Read Time:2 Minute, 1 Second
މީގެ 19 އަހަރު ކުރިން، ޔުނިސެފްގެ ކަލަންޑަރަކަށް ލިއޮނެލް މެސީ އާއި ލަމީން ޔަމާލް އެކުގައި ނަގާފައިވާ ފޮޓޯއަކަށް މިރޭގެ ވޯލްޑް ކަޕް ފައިނަލާ ދިމާކޮށް ބޮޑު ސަމާލުކަމެއް ވަނީ ލިބިފައެވެ. އޭރު އުމުރުން އެންމެ އަހަރެއް ނުވާ ޔަމާލް، މެސީ ފެންވަރުވާ މަންޒަރު ފެންނަ މި ފޮޓޯއަކީ ފުޓްބޯޅައިގެ މިހާރާއި ކުރިމަގު ރަމްޒުކޮށްދޭ ތާރީޚީ ފޮޓޯއެއް ކަމަށް ގިނަ ބަޔަކު ގަބޫލުކުރެއެވެ.
މި ފޮޓޯއާ ގުޅިފައިވާ ތަފާތު އިއްތިފާގުތަކެއް ފާހަގަކުރެވެއެވެ. އެގޮތުން ފޮޓޯއަށް 19 އަހަރު ވެފައިވާއިރު، ޔަމާލްގެ އުމުރަކީވެސް 19 އަހަރެވެ. އަދި ސްޕެއިން ޓީމުގައި އޭނާ ބޭނުންކުރާ 19 ނަންބަރު ޖާޒީއަކީ އެ ފޮޓޯ ނެގިއިރު ބާސެލޯނާގައި މެސީވެސް ބޭނުންކުރި ނަންބަރެވެ. ޔަމާލްގެ ބައްޕަ “ދެ ލެޖެންޑުންގެ ފެށުން” މި ނަމުގައި އާންމުކުރި މި ފޮޓޯއަށް މީހުންގެ ސަމާލުކަން އިތުރުވީ، ބާސެލޯނާގެ ލެޖެންޑް މެސީއާ ދެކޮޅަށް، އޭނާގެ މަގާމު ފުރަމުން އަންނަ ޒުވާން ތަރި ޔަމާލް މިރޭގެ ފައިނަލްގައި ނުކުންނާތީއެވެ. މިއީ މި ދެ ކުޅުންތެރިން ދަނޑުމަތީގައި ބައްދަލުވާ ފުރަތަމަ ފަހަރެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0