Read Time:2 Minute, 50 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
އައްޑޫ ސިޓީ ލިންކް ރޯޑް ތަރައްޤީކުރުމުގެ މަސައްކަތް ކުރިއަށްގެންދާނީ މަގު އެއްކޮށް ބަންދުނުކޮށް، އެއް ފަޅިން ދަތުރުފަތުރު ކުރެވޭނެ އިންތިޒާމު ހަމަޖައްސައިގެން ކަމަށް ބިނާރާ ގެދިރުވެރިކަމާއި އުމްރާނީ ތަރައްޤީއާ ބެހޭ ވަޒީރު ޑރ. ޢަބްދުﷲ މުއްޠަލިބް ވިދާޅުވެއްޖެއެވެ. އާރުޑީސީއާ ހަވާލުކޮށްގެން ކުރިއަށްގެންދާ މި މަޝްރޫޢުގެ ދަށުން މިހާރު ހުރި ދެ ލޭންގެ މަގު ހަތަރު ލޭނަށް ބަދަލުކޮށް، މަގު ފުޅާކުރުމަށް ވަނީ ހަމަޖެހިފައެވެ. ވަޒީރު ފާހަގަކުރެއްވި ގޮތުގައި، ލިންކް ރޯޑަކީ އައްޑޫގައި ދަތުރުފަތުރު ކުރުމަށް އޮތް އެންމެ މުހިންމު މަގަށްވެފައި އިތުރު ބަދަލު މަގެއް ނެތުމުން، ރައްޔިތުންނަށް އުނދަގޫނުވާނެހެން މަސައްކަތް ބަހާލައިގެން ކުރިއަށް ގެންދިއުމަށް ވަނީ ރޭވިފައެވެ.
ދައުލަތުގެ ބަޖެޓުން 829 މިލިއަނަށްވުރެ ގިނަ ރުފިޔާ ޚަރަދުކޮށްގެން ހިންގާ މި ބޮޑު މަޝްރޫޢުގެ ދަށުން އައްޑޫގެ އެކި ރަށްތަކުގައި ޖުމްލަ 67.58 ކިލޯމީޓަރުގެ މަގު ހަދައި، ފެންހިންދާ ނިޒާމު ޤާއިމުކުރާނެއެވެ. މީގެ އިތުރުން މަގުތަކުގައި ތާރު އެޅުމާއި، ދުވާރު ހެދުމާއި، މަގުމަތީގެ ނިޝާންތައް ހަރުކުރުމުގެ މަސައްކަތްވެސް ކުރިއަށްދާނެއެވެ. 2003 ވަނަ އަހަރުން ފެށިގެން ބޭނުންކުރަމުންދާ މި މަގު އަލުން ތަރައްޤީކުރަން ނިންމީ، މަގުގެ ފެންވަރު ދަށްވެ ނުރައްކާތެރި އެތައް އެކްސިޑެންޓްތަކެއް ހިނގަމުންދާތީ، ރައްޔިތުންނަށް ރައްކާތެރި އަދި ފެންވަރު ރަނގަޅު ދަތުރުފަތުރުގެ ނިޒާމެއް ޤާއިމުކޮށްދިނުމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0