Read Time:1 Minute, 55 Second
(ފޮޓޯ ކްރެޑިޓްސް: އިކޮނޮމިކް މިނިސްޓްރީ)
ރާއްޖެއާއި އިންޑިއާއާ ދެމެދު މިނިވަން ވިޔަފާރީގެ އެއްބަސްވުމެއް ގާއިމުކުރުމަށް ކުރެވޭ މަޝްވަރާތަކުގެ ފުރަތަމަ ބުރު ނިމިފައިވާ ކަމަށް އިގްތިސާދީ ވަޒީރު މުހައްމަދު ސައީދު ހާމަކުރައްވައިފިއެވެ. މި މަސައްކަތުގެ ދަށުން 12 ދާއިރާއަކުން ޕްރައިވެޓް ސެކްޓާ ހިމެނޭހެން ތަފާތު ފަރާތްތަކާ މަޝްވަރާކުރެވެމުންދާއިރު، ސަރުކާރުގެ އަމާޒަކީ މިއަހަރު ނިމުމުގެ ކުރިން މި އެއްބަސްވުމަށް އަމަލުކުރަން ފެށުމެވެ. މިއީ ރާއްޖޭގެ އިގްތިސާދު ފަތުރުވެރިކަމަށް އެކަނި ބަރޯސާވުން ހުއްޓާލައި، ބައިނަލްއަގުވާމީ މާކެޓްތަކުގައި ދިވެހި އުފެއްދުންތަކާއި ޒުވާން ވިޔަފާރިވެރިންނަށް ފުރުސަތުތައް ފަހިކޮށްދިނުމަށް ކުރެވޭ މަސައްކަތެކެވެ. މީގެ އިތުރުން ޗައިނާއާއެކު އޮތް މިނިވަން ވިޔަފާރީގެ އެއްބަސްވުމަށް އަންނަ އަހަރު އަމަލުކުރަން ފަށާނެ ކަމަށާއި، ތުރުކީވިލާތާއެކު ވެސް ވިޔަފާރީގެ ހާއްސަ އެއްބަސްވުމެއްގައި ސޮއިކޮށްފައިވާކަން ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0