Read Time:1 Minute, 51 Second
(ފޮޓޯ ކްރެޑިޓްސް: ރޮއިޓާރސް)
ބައިނަލްއަޤުވާމީ ޖިނާޢީ ކޯޓު (އައިސީސީ) އަކީ އެމެރިކާގެ ސަލާމަތަށް އޮތް ނުރައްކަލެއްގެ ގޮތުގައި ސިފަކޮށް، އެ ކޯޓުގެ ބާރު ކަނޑުވައިލުމަށް ރައީސް ޑޮނަލްޑް ޓްރަމްޕްގެ ސަރުކާރުން ވަރުގަދަ މަސައްކަތްތަކެއް ފަށައިފިއެވެ. މި ފިޔަވަޅުތައް އަޅަން ނިންމާފައިވަނީ ފަލަސްޠީނުގެ ޣައްޒާގައި ހިންގާ ޖަރީމާތަކާ ގުޅިގެން އިސްރާއީލުގެ ބޮޑުވަޒީރު ނަތަންޔާހޫ ހައްޔަރުކުރަން އެ ކޯޓުން އަމުރު ނެރުމާ ގުޅިގެންނެވެ. އައިސީސީގެ ބާރު ކަނޑުވައިލުމަށް އެމެރިކާއިން ރާވާފައިވާ ކަންކަމުގެ ތެރޭގައި ކޯޓުގެ އޮފިޝަލުންނަށް ވިސާ ނުދިނުމާއި، މާލީ ދަތިކުރުމުގެ ފިޔަވަޅުތައް އެޅުމުގެ އިތުރުން، އެހެން ޤައުމުތަކުން އެ ކޯޓާ ވަކިވުމަށް ފިއްތުންތައް ކުރިމަތިކުރުވުން ހިމެނެއެވެ. އަދި އެމެރިކާގެ އަސްކަރީ އެހީ ހޯދަމުން އައިސީސީއަށް ތާޢީދުކުރާ ޤައުމުތަކާ މެދު އޮންނަ ގުޅުން މުރާޖަޢާ ކުރާނެ ކަމުގެ އިންޒާރުވެސް އެމެރިކާގެ ޚާރިޖީ ވުޒާރާއިން ވަނީ ދީފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0