Read Time:1 Minute, 46 Second
ރާއްޖޭގެ ތާރީޚުގައި ފުރަތަމަ ފަހަރަށް، އައްޑޫ ގަން އިންޓަނޭޝަނަލް އެއާޕޯޓުން ސައުދީ އަރަބިއްޔާއަށް ސީދާ އުމްރާ ދަތުރުތައް މޯލްޑިވިއަން އިން ފަށައިފިއެވެ. މިއީ “ދަ ޓްރެވެލާ” އާއި ގައުމީ އެއާލައިން ގުޅިގެން ދެކުނުގެ ރައްޔިތުންނަށް އުމްރާގެ އަޅުކަމަށް ދިއުމުގައި ލުއިފަސޭހަ ކޮށްދިނުމަށް ފެށި ތާރީޚީ ދަތުރެކެވެ. އެއާބަސް އޭ330 މަތިންދާބޯޓުގައި ކުރި މި ފުރަތަމަ ދަތުރުގައި 260 މީހުން ބައިވެރިވިއިރު، މީގެ ތެރޭގައި ގިނަ އަދަދެއްގެ ކުޑަކުދިންނާއި އާއިލާތައް ހިމެނެއެވެ. ސަރުކާރުގެ ސިޔާސަތުގެ ދަށުން ހައްޖާއި އުމްރާގެ އިންތިޒާމުތައް ހަރުދަނާކުރަމުންދާއިރު، މޯލްޑިވިއަން އިން ދަނީ ދެކުނުގެ އަތޮޅުތައް އައްޑޫއާ ގުޅާލައިގެން މިފަދަ ދަތުރުތަކަށް މަގުފަހިކޮށްދެމުންނެވެ. މޯލްޑިވިއަން އިން ބުނާ ގޮތުގައި މިއީ ފެށުމެއް ކަމަށާއި، ކުރިއަށް އޮތް ތަނުގައިވެސް ދެކުނުގެ ސަރަހައްދުން މިފަދަ ސީދާ ދަތުރުތައް ބާއްވާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0