Read Time:2 Minute, 13 Second
އިންޑިއާގެ އެފްކޮންސް ކުންފުންޏާ ހަވާލުކޮށްގެން ކުރިއަށްގެންދާ ތިލަމާލެ ބްރިޖު މަޝްރޫޢުގެ ގާތްގަނޑަކަށް 75 އިންސައްތަ މަސައްކަތް މިހާރު ވަނީ ނިމިފައެވެ. މާލެ ސަރަހައްދުގެ މި އެންމެ ބޮޑު އުމްރާނީ މަޝްރޫޢުގެ ދަށުން މިހާރު އެންމެ ބާރަށް ކުރިއަށްދަނީ ބްރިޖުގެ ތަނބުތައް ގުޅާލުމަށް ބޭނުންވާ ޑެކް ސެގްމަންޓްތައް އިންސްޓޯލް ކުރުމުގެ މަސައްކަތެވެ. އެގޮތުން ބްރިޖަށް ބޭނުންވާ ސެގްމަންޓްތަކުގެ 90 އިންސައްތައަށްވުރެ ގިނަ މަސައްކަތް ނިމިފައިވާއިރު، މާލެއާއި ވިލިމާލެއާ ދެމެދު ބްރިޖު ގުޅާލުމަށް މިހާރު ބާކީ އޮތީ އެންމެ ސެގްމަންޓެއްގެ މަސައްކަތެވެ.
މާލެ، ވިލިމާލެ، ގުޅިފަޅު އަދި ތިލަފުށި ގުޅާލުމަށް ހިންގާ މި 6.7 ކިލޯމީޓަރުގެ މަޝްރޫޢު 2027 ވަނަ އަހަރުގެ ނިޔަލަށް އެއްކޮށް ނިންމުމަށް ސަރުކާރުން އަމާޒު ހިފާފައިވާއިރު، މިހާރު ގުޅިފަޅާއި ތިލަފުށީގައިވެސް ބްރިޖާ ގުޅޭ މަގުތަކާއި ރިވެޓްމަންޓް ޖެހުމުގެ މަސައްކަތް ދަނީ ކުރިއަށެވެ. އިންޑިއާ ސަރުކާރުގެ އެހީއާއި ލޯނު ހިމެނޭހެން ޖުމްލަ 500 މިލިއަން ޑޮލަރު ޚަރަދުކޮށްގެން ކުރިއަށްގެންދާ މި މަޝްރޫޢަކީ ރާއްޖޭގެ އިޤްތިޞާދީ އަދި އިޖުތިމާޢީ ތަރައްޤީއަށް މުހިންމު ބިނާއެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0