Read Time:2 Minute, 5 Second
(ފޮޓޯ ކްރެޑިޓްސް: އެމްއޭސީއެލް)
ރަސްމާލެ މަޝްރޫޢުގެ މާސްޓަރ ޕްލޭން އެކުލަވާލުމަށް ކޮންސަލްޓަންސީ ދޭނެ ފަރާތެއް ހޯދުމަށް ބިނާރާއި ގެދޮރުވެރިކަމާ ބެހޭ ވުޒާރާއިން ވަނީ އިޢުލާނުކޮށްފައެވެ. މާލެ ސަރަޙައްދުގެ ބޯހިޔާވަހިކަމަށް ޙައްލެއް ހޯދުމަށް ހިންގާ މި މަޝްރޫޢުގެ ދަށުން 1010 ހެކްޓަރުގެ ބިން ހިއްކުމަށް ހަމަޖެހިފައިވާއިރު، މިހާތަނަށް 500 ހެކްޓަރަށްވުރެ ބޮޑު ސަރަޙައްދެއް ވަނީ ހިއްކާ ނިންމާފައެވެ. 20 އަހަރު ދުވަހުގެ ތެރޭގައި 200,000 ހައުސިން ޔުނިޓް ތަރައްޤީކުރުމަށް އަމާޒު ހިފާފައިވާ މި ރަށަކީ ތިމާވެއްޓާ ރައްޓެހި އަދި އިޢާދަކުރަނިވި ހަކަތަ ބޭނުންކުރާނެ ތަނެކެވެ. މާސްޓަރ ޕްލޭންގެ މަސައްކަތުގެ ތެރޭގައި ބިން ބޭނުންކުރާނެ ގޮތާއި، ދަތުރުފަތުރާއި، ޚާއްޞަ އެހީއަށް ބޭނުންވާ މީހުންނަށް ފަސޭހަވާނެ އިންތިޒާމުތައް ހިމެނޭނެއެވެ. ރައީސުލްޖުމްހޫރިއްޔާ ވިދާޅުވި ގޮތުގައި، ތެލުގެ އަގަށް އައި ބަދަލާއެކު މަސައްކަތަށް ކުޑަ މަޑުޖެހުމެއް އައި ނަމަވެސް، ދެ ޑްރެޖަރު ބޭނުންކޮށްގެން މިއަހަރުގެ ނިޔަލަށް ބިން ހިއްކުމުގެ މަސައްކަތް ނިންމުމަކީ ސަރުކާރުގެ އަމާޒެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0