Read Time:2 Minute, 16 Second
(ފޮޓޯ ކްރެޑިޓްސް: ރައީސް އޮފީސް)
ރ. އަލިފުށީގައި ތަރައްޤީކުރާ އެއާޕޯޓާއި 30 އެނދުގެ ހޮސްޕިޓަލްގެ މަޝްރޫޢު މި ދައުރުގެ ތެރޭގައި ނިންމަވާނެ ކަމުގެ ޔަޤީންކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވައިފިއެވެ. ރައީސް ވިދާޅުވީ، އެމްޓީސީސީއާ ހަވާލުކޮށްފައިވާ މި މަޝްރޫޢުތަކަށް ބޭނުންވާ ފައިނޭންސް ހަމަޖެހިފައިވާ ކަމަށާއި، ލަސްތަކެއްނުވެ އަމަލީ މަސައްކަތް ބާރުމިނުގައި ފެށިގެންދާނެ ކަމަށެވެ.
އަލިފުށީގައި އަލަށް ތަރައްޤީކުރާ ހޮސްޕިޓަލަކީ 128 މިލިއަން ރުފިޔާގެ މަޝްރޫޢެކެވެ. މި ހޮސްޕިޓަލާއެކު އެރަށުގައި ސްޕެޝަލިޓީ ޑޮކްޓަރުންގެ ޚިދުމަތް ފުޅާވެ، އައިސޮލޭޝަން ފެސިލިޓީއާއި ސޯލާ ހަކަތަ ފަދަ ޒަމާނީ ވަޞީލަތްތައް ޤާއިމުކުރެވޭނެއެވެ. މީގެ އިތުރުން، 426 މިލިއަން ރުފިޔާ ޚަރަދުކޮށްގެން ތަރައްޤީކުރާ އެއާޕޯޓަކީ ބިން ހިއްކުމުގެ ބޮޑު ބައެއް ނިމިފައިވާ، އަދި އެރަށުގެ ބޯހިޔާވަހިކަމާއި އިޤްތިޞާދާވެސް ގުޅިފައިވާ މުހިންމު މަޝްރޫޢެކެވެ. ރައީސް ފާހަގަކުރެއްވި ގޮތުގައި، މި ސަރުކާރުން އެންމެ އިސްކަމެއް ދޭ ޞިއްޙީ ދާއިރާ ހަރުދަނާކުރުމުގެ ތެރެއިން އަލިފުށީގެ ތަރައްޤީއަށް ވެވަޑައިގެންފައިވާ ހުރިހާ ވަޢުދެއް ފުރިހަމަކުރައްވާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0