Read Time:2 Minute, 6 Second
ފަހި ދިރިއުޅުން ކޯޕަރޭޝަން (އެފްޑީސީ)ގެ ފްލެޓްތަކުގެ ރަޖިސްޓްރީ ކަންތައްތަކުގައި މާލެ ސިޓީ ކައުންސިލުން ޚިދުމަތް ނުދޭ ކަމަށް ބުނެ، ހުޅުމާލެ އުތުރު ދާއިރާ ކައުންސިލަރު ފާތިމަތު ޒަހިއްޔާ ސޯޝަލް މީޑިއާގައި ސަރުކާރަށް ފާޑުވިދާޅުވެފައިވެއެވެ. ޒަހިއްޔާ ތުހުމަތު ކުރެއްވި ގޮތުގައި، ރަޖިސްޓްރީ ކަންކަން ލަސްވަނީ އެފްޑީސީން ދޭންޖެހޭ މައުލޫމާތު ނުލިބޭތީ ކަމަށާއި، ފޮނުވި ސިޓީއަކަށްވެސް ޖަވާބު ލިބިފައިނުވާ ކަމަށެވެ.
މި ތުހުމަތުތަކަށް ރައްދު ދެއްވަމުން، އެފްޑީސީގެ އެމްޑީ ހަމްދާން ޝަކީލް ވިދާޅުވީ ފްލެޓްތަކުގެ ކުލީވެރިންނަށް ރަށްވެހިކަން ޖެއްސުމަށް ބޭނުންވާ “އިއުތިރާޒެއް ނެތް” ކަމުގެ ލިޔުންތައް ދޫކޮށްފައިވާ ކަމަށެވެ. އަދި ކިއުއާރް ކޯޑު މެދުވެރިކޮށް ލިޔުންތަކުގެ ސައްހަކަން ކަށަވަރު ކުރެވޭނެ އިންތިޒާމާއި، ޚާއްސަ ފޯކަލް ޕޮއިންޓެއްވެސް ކަނޑައަޅާފައިވާ ކަމަށް ހަމްދާން ވިދާޅުވިއެވެ. ހުރިހާ ވަސީލަތްތަކެއް ފޯރުކޮށްދީފައިވަނިކޮށް ކައުންސިލުން ޚިދުމަތް ހިފަހައްޓަނީ ރައްޔިތުންނަށް އޮޅުވާލުމަށް ކަމަށް ދޭހަވާ ގޮތަށް ހަމްދާން ވަނީ ފާޑުވިދާޅުވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0