Read Time:1 Minute, 59 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރާއްޖޭގެ ހުރިހާ ރަށެއްގައި ފުލުހުންގެ މަރުކަޒުތައް ގާއިމުކުރުމުގެ އިތުރުން، މާލޭގައި ޒަމާނީ ފެންވަރުގެ އާ ހެޑްކުއާޓަރެއް ބިނާކުރައްވާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ އިޢުލާން ކުރައްވާފައެވެ. ފުލުހުންގެ 93 ވަނަ އަހަރީ ދުވަހުގެ ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ، ފުލުހުންގެ ޚިދުމަތަށް ކުރިމަތިވެފައިވާ ގޮންޖެހުންތައް ނައްތާލުމަށް އިސްކަންދެއްވާނެ ކަމަށާއި، މާލެ ސަރަހައްދުގެ އާބާދީއާ އެކަށޭނަ މަރުކަޒުތައް ބޭނުންވާ ކަމަށެވެ. މިގޮތުން އިސްކަންދަރު ކޮށީގައި އާ އިމާރާތެއް އެޅުމާއި، ހުޅުމާލެ ދެވަނަ ފިޔަވަހީގައި ޖާގަ ތަނަވަސް މަރުކަޒެއް ގާއިމުކުރުމުގެ އިތުރުން، ރަށްރަށުގައި ހަދާ މަރުކަޒުތައް އަންނަ އަހަރަށް ނިންމުމަށް ވަނީ އަމާޒު ހިފާފައެވެ. އަދި ފުލުހުންނަކީ ސިޔާސީ ނުފޫޒުން އެއްކިބާވެފައިވާ ބަޔަކަށް ހަދައި، އެ މުއައްސަސާއަށް ބޭނުންވާ ފުރިހަމަ އެއްބާރުލުން ސަރުކާރުން ދޭނެ ކަމުގެ ޔަގީންކަން ރައީސް ދެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0