Read Time:1 Minute, 41 Second
ދުބާއީގައި ދިރިއުޅޭ އިންޑިއާގެ ވިޔަފާރިވެރިއަކު، އޭނާގެ ދަރިފުޅަށް ސަޕްރައިޒެއް ދިނުމުގެ ގޮތުން 900 އަށްވުރެ ގިނަ ޑައިމަންޑާއި 18 ކެރެޓް ރަން ބޭނުންކޮށްގެން ފީފާ ވޯލްޑް ކަޕްގެ ލެގޯ ޓްރޮފީއެއް ތައްޔާރުކޮށްފިއެވެ. 36 ސެންޓިމީޓަރުގެ މި އުފެއްދުން ފުރިހަމަކުރުމަށް 35 ދުވަސް ހޭދަވިއިރު، މީގެ އަގު މިހާރު އުޅެނީ ގާތްގަނޑަކަށް 82،000 އެމެރިކާ ޑޮލަރުގައެވެ. ގިނަ ބައެއްގެ ސަމާލުކަން ލިބެމުންދާ މި ލެގޯ ތަށި ޔޫއޭއީގެ އެކި ސިޓީތަކުގައި ދައްކާލުމަށް ވަނީ ނިންމާފައެވެ. އަސްލު ވޯލްޑް ކަޕް ތަށީގެ އަގަކީ 250،000 ޑޮލަރު ކަމަށްވިޔަސް، އޭގެ ތާރީޚީ މުހިންމުކަމުން 20 މިލިއަން ޑޮލަރަށް އިންޝުއަރ ކޮށްފައިވެއެވެ. 1974 ވަނަ އަހަރު ފަރުމާކުރި އަސްލު ތަށި ސްވިޓްޒަލަންޑްގެ މިއުޒިއަމްގައި ބަހައްޓާފައި ހުންނައިރު، މުބާރާތް ކާމިޔާބުކުރާ ޓީމުތަކަށް ދެނީ އޭގެ ރަންގަލް ފިލާޖެހި ނަކަލު ތައްޓެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0