Read Time:1 Minute, 56 Second
(ފޮޓޯ ކްރެޑިޓްސް: ރައީސް އޮފީސް)
މާލޭގެ މަސް މާރުކޭޓާއި ލޯކަލް މާރުކޭޓު ހިމެނޭހެން އަޅާ އައު މާރުކޭޓް ކޮމްޕްލެކްސްގެ މަސައްކަތް ފެށުމަށް ބޭނުންވާ ބިން ސިޓީ ކައުންސިލުން ހަވާލުނުކުރާތީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކަންބޮޑުވުން ފާޅުކުރައްވައިފިއެވެ. މި މަޝްރޫޢަށް ބޭނުންވާ ފައިސާއާއި ކޮންޓްރެކްޓަރު ހަމަޖެހިފައި އޮންނަތާ ހަތަރު މަސް ވެފައިވާއިރު، ކައުންސިލުން އެކި އުޒުރުތައް ދައްކައި މަސައްކަތަށް ހުރަސްއަޅަމުންދާ ކަމަށް ރައީސް ވިދާޅުވިއެވެ.
ޒަމާނީ ފެންވަރަށް ހަ ފަންގިފިލާއަށް އިމާރާތްކުރާ މި މާރުކޭޓަކީ 126.3 މިލިއަން ރުފިޔާގެ މަޝްރޫޢެކެވެ. މާލޭގެ ހުރިހާ މާރުކޭޓުތަކެއް އެއް ފުރާޅެއްގެ ދަށަށް ގެނައުމަށް ފަރުމާކޮށްފައިވާ މި އިމާރާތުގައި 455 ކިއޮސްކް ހުންނާނެއެވެ. ކައުންސިލުން އެއްބާރުލުން ނުދިން ނަމަވެސް، ސަރުކާރުން މިކަމަށް ޙައްލެއް ހޯއްދަވައި، އަންނަ އަހަރުގެ ޑިސެމްބަރު މަހަށް މަސައްކަތް ނިންމަވާނެ ކަމުގެ ޔަގީންކަން ރައީސް ވަނީ ދެއްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0