Read Time:1 Minute, 58 Second
ރާއްޖޭގައި މެރިކަލްޗަރ ވަކި ސިނާއަތެއްގެ ގޮތުގައި ތަރައްޤީކުރުމަށް ސަރުކާރުން ބޮޑު އިސްކަމެއް ދެއްވައިގެން އަންނަނީ މަސައްކަތް ކުރައްވަމުންނެވެ. މިގޮތުން ބޮޑު ތިލަދުންމައްޗާއި، ރ، މ، އަދި ތ އަތޮޅުގެ އިތުރުން މަނިޔަފުށި ކައިރިން ފަޅެއް ހިމެނޭހެން ޖުމްލަ 5 ސަރަޙައްދެއް މިކަމަށް ވަނީ ކަނޑައަޅާފައެވެ. މިހާރުވެސް ބ. ފެހެންދޫގައި ކާމިޔާބުކަމާއެކު ސީވީޑް އާލާކޮށް، މަހެއްގެ މައްޗަށް 63 ޓަނުގެ ސީވީޑް ބޭރުގެ ބާޒާރަށް އެކްސްޕޯޓް ކުރަމުންދާއިރު، ގއ. އަތޮޅުގައިވެސް މިފަދަ އިންވެސްޓްމަންޓްތަކެއް ދަނީ ހިނގަމުންނެވެ. ސަރުކާރުގެ އުންމީދަކީ މި މަސައްކަތް މުޅި ރާއްޖެއަށް ފުޅާކޮށް، ކަޅުބިލަމަހުގެ މަސްވެރިކަމާ އެއްވަރުގެ އާމްދަނީއެއް ލިބޭނެ ސިނާއަތަކަށް މެރިކަލްޗަރ ބަދަލުކުރުމެވެ. މި ދާއިރާއަށް އަލަށް ވަންނަ ފަރާތްތަކަށާއި ވިޔަފާރި ފުޅާކުރަން ބޭނުންވާ ފަރާތްތަކަށް އެހީތެރިވުމަށް “މެރިކަލްޗަރ ސްކީމް” ގެ ނަމުގައި މާލީ އެހީ ފޯރުކޮށްދޭ ޚާއްޞަ ޕްރޮގްރާމެއްވެސް މިހާރު ވަނީ ތަޢާރަފްކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0