Read Time:2 Minute, 37 Second
(ފޮޓޯ ކްރެޑިޓްސް: ރޮއިޓާރސް)
ފަލަސްޠީނުގެ ޣައްޒާގައި އިސްތިޢުމާރީ ޔަހޫދީން ހިންގަމުންދާ ލާއިންސާނީ ޤަތުލުޢާންމުގައި، ވޭތުވެދިޔަ އަށް މަސްދުވަހު އެވުރެޖުކޮށް ކޮންމެ ދުވަހަކު ކުޑަކުއްޖަކު ޝަހީދުކޮށްލާފައިވާ ކަމަށް ޔުނިސެފުން ހާމަކޮށްފިއެވެ. ޙަމަލާތައް ހުއްޓާލުމަށް އިޢުލާނުކުރި ފަހުންވެސް 265 އަށްވުރެ ގިނަ ކުޑަކުދިން ޝަހީދުކޮށްލާފައިވާއިރު، ޔުނިސެފުން މިކަން ސިފަކޮށްފައިވަނީ ރަޙުމެއްނެތް ނުރައްކާތެރި އަމަލެއްގެ ގޮތުގައެވެ.
ޣައްޒާގެ ކުޑަކުދިންނަށް އަމާޒުކޮށް ގެދޮރާއި، މަދަރުސާތަކާއި، ފޭލިގެތަކަށް ނިރުބަވެރި ޙަމަލާތައް ދެމުންދާއިރު، އިސްތިޢުމާރީ ސިފައިން ދަނީ ކަނޑައެޅިގެން ކުޑަކުދިންގެ ގަޔަށް ބަޑިޖަހައި ޑްރޯން ޙަމަލާތައް ދީ ޝަހީދުކުރަމުންނެވެ. މީގެ އިތުރުން، ޣައްޒާގެ ޞިއްޙީ ނިޒާމު ފުނޑުފުނޑުކޮށްލުމުގެ ސަބަބުން ބޭހާއި ފަރުވާއަށް ޖެހި، ކުޑަކުދިންނަށް ނަފްސާނީ ގޮތުންނާއި ޖިސްމާނީ ގޮތުން ބޮޑެތި އަނިޔާތަކެއް ދަނީ ލިބެމުންނެވެ. 2023 އޮކްޓޫބަރުން ފެށިގެން ހިންގަމުންދާ މި ޤަތުލުޢާންމުގައި މިހާތަނަށް 73,000 އަށްވުރެ ގިނަ މީހުން ޝަހީދުވެފައިވާއިރު، ލުބްނާންގައިވެސް ޔަހޫދީން ދަނީ ކުޑަކުދިންނަށް އަމާޒުކޮށް ވަރުގަދަ ޙަމަލާތަކެއް ދެމުންނެވެ. ޙަމަލާތައް މެދުކަނޑާލުމަށް އެއްބަސްވި ފަހުންވެސް، ރެފިއުޖީން ތިބި ފޭލިގެތަކަށް ޙަމަލާދީ އިތުރު އެތައް ބަޔަކު ވަނީ ޝަހީދުކޮށްލާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0