Read Time:2 Minute, 49 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖޭގެ އިޤްތިޞާދީ ޙާލަތާ ގުޅޭގޮތުން އައިއެމްއެފް އިން ނެރުނު ރިޕޯޓުގައި، މެދުއިރުމަތީގެ ހަނގުރާމައާއި ތެލުގެ އަގު އުފުލުމުގެ ސަބަބުން ގޮންޖެހުންތަކެއް ހުރި ނަމަވެސް، ރާއްޖޭގެ އިޤްތިޞާދީ މިސްރާބު ހުރީ ރަނގަޅު މަގަކަށްކަން ފާހަގަކޮށްފައިވެއެވެ. ސަރުކާރުން އަޅަމުންދާ ހަރުދަނާ ފިޔަވަޅުތަކާއެކު، އަންނަ އަހަރު އިޤްތިޞާދީ ދުވެލި %4 ގައި ހިފެހެއްޓޭނެ ކަމަށް އަންދާޒާކުރެވެއެވެ.
ޚާއްޞަގޮތެއްގައި، މި ސަރުކާރުން ދަރަނި ދެއްކުމުގައި ދައްކަމުންދާ ނަމޫނާ އައިއެމްއެފް އިން ބަލައިގަނެފައިވެއެވެ. ވޭތުވެދިޔަ ދެ ސަރުކާރުން 5 އަހަރުގެ ތެރޭގައި ދެއްކި މިންވަރަށްވުރެ އިތުރަށް، މި ސަރުކާރުގެ ފުރަތަމަ ދެ އަހަރާއި ބައިގެ ތެރޭގައި 1.29 ބިލިއަން ޑޮލަރުގެ ދަރަނި ވަނީ އަދާކޮށްފައެވެ. މީގެ ސަބަބުން ޖީޑީޕީގެ ނިސްބަތުން ދައުލަތުގެ ދަރަނި ވަނީ ވަރަށް ބޮޑަށް ދަށްކުރެވިފައެވެ.
އިޤްތިޞާދު އިތުރަށް ހަރުދަނާކުރުމަށްޓަކައި ޚަރަދުކުޑަކުރުމުގެ ފިޔަވަޅުތަކާއި، ބޭރު ފައިސާ މާރުކުރުމުގެ އާ ޤަވާޢިދުގެ ސަބަބުން ރިޒާވް ރަނގަޅުވަމުން އަންނަކަން އައިއެމްއެފް އިން ފާހަގަކުރެއެވެ. މީގެ އިތުރުން ސަބްސިޑީ ނިޒާމަށް ގެނައި ބަދަލާއި، ސަރުކާރު ހިއްސާވާ ކުންފުނިތައް އިޞްލާޙުކުރުމުގެ މަސައްކަތަކީ ވެސް ލިބުނު ބޮޑު ކުރިއެރުމެކެވެ. އައިއެމްއެފްގެ ލަފަޔަކީ ސިޔާސީ ޕްރެޝަރުތަކަށް ނުބަލައި، ޤައުމަށް އެންމެ ފައިދާހުރި އިޤްތިޞާދީ ނިންމުންތައް ނިންމުމުގައި ސާބިތުވެ އޮތުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0