Read Time:1 Minute, 56 Second
(ފޮޓޯ ކްރެޑިޓްސް: އެމްޓީސީސީ)
މާލެ ސަރަޙައްދުން ބޭރުގެ ރަށްރަށުގައި ބޯހިޔާވަހިކަމުގެ އައު މަޝްރޫޢުތަކެއް ކުރިއަށް އޮތް މަހެއްހާ ދުވަހުގެ ތެރޭގައި ފެށުމަށް ބިނާރާ ގެދޮރުވެރިކަމާއި އުމްރާނީ ތަރައްޤީއާ ބެހޭ ވުޒާރާއިން ދަނީ ތައްޔާރުވަމުންނެވެ. މި މަޝްރޫޢުތައް މައިގަނޑު ގޮތެއްގައި ބެހިގެންވަނީ ދެ ބަޔަކަށެވެ. އެއީ އަގުހެޔޮކޮށް ލިބޭނެ އެފޯޑަބަލް ހައުސިންގ ޔުނިޓްތަކާއި، އަމިއްލަ ގޯތީގައި ގެދޮރު ބިނާކުރުމަށް މާލީ އިދާރާތައް މެދުވެރިކޮށް ލޯނު ލިބޭނެ ސްކީމްތަކެވެ. މި މަސައްކަތުގެ މައިގަނޑު މަޤްޞަދަކީ ރަށްރަށުގައި ދިރިއުޅެން ބޭނުންވާ ފަރާތްތަކަށް އެ ފުރުސަތު ފަހިކޮށްދީ، ބޯހިޔާވަހިކަމަށްޓަކައި މާލެއަށް ބަރޯސާވާންޖެހޭ މިންވަރު ކުޑަކުރުމެވެ. މީގެ އިތުރުން ރިސޯޓުތަކުގައި މަސައްކަތްކުރާ ފަރާތްތަކަށް އާއިލާއާ ގާތުގައި ދިރިއުޅެވޭނެ މަގުފަހިކުރުމާއި، ރަށްރަށުގައި ހުއްޓިފައި ހުރި ބޯހިޔާވަހިކަމުގެ މަޝްރޫޢުތައް އަލުން ފަށައި ނިންމުމަށްވެސް ސަރުކާރުން ވަނީ އިސްކަންދީފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0