Read Time:1 Minute, 48 Second
(ފޮޓޯ ކްރެޑިޓްސް: މިފްކޯ)
ރާއްޖޭގައި މަސް ރައްކާކުރެވޭ ކެޕޭސިޓީ 9،500 ޓަނުން 25،000 ޓަނަށް އިތުރުކުރުމަށް ސަރުކާރުން ކުރިއަށްގެންދާ މަޝްރޫޢުތަކުގެ ސަބަބުން، ބައިނަލްއަޤުވާމީ ބާޒާރުގައި ދިވެހި މަސްވެރިންނަށް ރަނގަޅު އަގު ހޯދައިދިނުމަށް މަގުފަހިވާނެ ކަމަށް މަސްވެރިކަމާ ބެހޭ ވުޒާރާގެ ސްޓޭޓް މިނިސްޓަރ މުޙައްމަދު މުއްޠަލިބް ވިދާޅުވެއްޖެއެވެ. މިގޮތުން ތިނަދޫ، މުލަކު، ފެލިވަރު، ކޫއްޑޫ، ފިޔޯރީ، ނިލަންދޫ އަދި ފުނައްޑޫގައި ކޯލްޑް ސްޓޯރޭޖްތައް ތަރައްޤީކުރުމުގެ މަސައްކަތް 2027 ވަނަ އަހަރުގެ ނިޔަލަށް ނިންމުމަށް ވަނީ އަމާޒު ހިފާފައެވެ. މަސް ރައްކާކުރާނެ ޖާގަ އިތުރުވުމުން، މަސް ވިއްކުމުގައި ވާދަވެރި ބާޒާރެއް އުފެދި، އެންމެ މަތީ އަގު ލިބޭ ބަޔަކަށް މަސް ވިއްކުމުގެ ފުރުޞަތު ލިބިގެންދާނެއެވެ. މީގެ އިތުރުން މަހަށް އަގު އެއްކުރުމަށްޓަކައި މަސްދަޅު ބަންދުކުރާ މިންވަރު އިތުރުކުރުމުގެ މަސައްކަތްވެސް ސަރުކާރުން ދަނީ ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0