Read Time:1 Minute, 45 Second
(ފޮޓޯ ކްރެޑިޓްސް: މިފްކޯ)
ކަސްޓަމްސްގެ ތަފާސްހިސާބުތަކުން ދައްކާގޮތުގައި މޭ މަހު ރާއްޖެއިން ވަނީ 98 މިލިޔަން ރުފިޔާގެ މުދާ ބޭރުކޮށްފައެވެ. މީގެ ތެރެއިން އެންމެ ބޮޑު ކުރިއެރުމެއް ހޯދާފައިވަނީ ދަޅުމަހުގެ އެކްސްޕޯޓުން ކަމަށްވާއިރު، އެޕްރީލް މަހާ އަޅާބަލާއިރު މޭ މަހު ދަޅުމަސް ބޭރުކުރި މިންވަރު ވަނީ 22.5 އިންސައްތަ އިތުރުވެފައެވެ. އެގޮތުން މޭ މަހު 38 މިލިޔަން ރުފިޔާގެ ދަޅުމަސް ބޭރުކޮށްފައިވާއިރު، މިއީ އެ މަހު އެންމެ ގިނައިން އެކްސްޕޯޓްކުރި މަހުގެ ބާވަތެވެ. ރާއްޖެއިން އެންމެ ގިނައިން މުދާ ބޭރުކުރި ގައުމަކީ އިނގިރޭސިވިލާތެވެ. މަސްވެރިކަން ދަށް ދުވަސްވަރަކަށް ވުމުން މަސްވެރިންނަށް ހިތްވަރު ދިނުމަށް މިފްކޯއިން މަސްގަންނަ އަގު 20 ރުފިޔާއަށް ބޮޑުކޮށްފައިވާއިރު، އިނގިރޭސިވިލާތުން ދިވެހި މަހަށް ނަގާ ޓެރިފް ދެ އަހަރަށް ކަނޑާލުމަކީ މަސް އެކްސްޕޯޓް ކުރާ މިންވަރު ދެގުނަ ކުރުމަށް ލިބުނު ބޮޑު ފުރުސަތެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0