Read Time:1 Minute, 54 Second
(ފޮޓޯ ކްރެޑިޓްސް: ވަގުތު)
އިދިކޮޅު އެމްޑީޕީއަށް ގައުމު ހިންގާނެ ގޮތް ނޭނގޭ ކަމަށާއި އެ ޕާޓީން ވެރިކަން ކުރަން ދަސްކުރަން ޖެހިފައިވާ ކަމަށް ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ޝުޖާއު ވިދާޅުވެއްޖެއެވެ. ޝުޖާއު ތުހުމަތު ކުރެއްވި ގޮތުގައި އެމްޑީޕީގެ ސަރުކާރުތަކުން ނެގި ލޯނުތަކުން ރައްޔިތުންނަށާއި އިގްތިސާދަށް އެއްވެސް ފައިދާއެއް ކޮށްފައި ނުވާއިރު، ކޮންމެ ފަހަރަކު ޕީއެންސީން ވެރިކަމާ ހަވާލުވަނީ އެމްޑީޕީން ގައުމު ހާވާފައި އޮންނަ “ހަޑި” ސާފުކުރުމަށެވެ. ދަރަނި އަދާކުރުމުގެ ތަފާސްހިސާބުތަކަށް ބަލާއިރު، މިހާރުގެ ސަރުކާރުން ފުރަތަމަ ދެ އަހަރާއި ބައިގެ ތެރޭގައި 1.2 ބިލިއަން ޑޮލަރު ދައްކާފައިވާ އިރު، މިއީ ކުރީގެ ސަރުކާރުތަކާ އަޅާބަލާއިރު ބޮޑު އަދަދެއްކަން އޭނާ ފާހަގަކުރެއްވިއެވެ. އަދި ނިމިދިޔަ އެމްޑީޕީ ސަރުކާރުގެ ބޮޑު ދަރަންޏަކާއެކު، ކުރީގެ އެކި ސަރުކާރުތަކުން ނެގި ގިނަ އަދަދެއްގެ ފައިސާ އަދިވެސް ދައްކަން ހުރިކަން ޝުޖާއު ހާމަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0