Read Time:1 Minute, 51 Second
(ފޮޓޯ ކްރެޑިޓްސް: ޓައިމްސް އޮފް އިންޑިއާ)
އިންޑިއާގައި ބާއްވާ “ނީޓް-ޔޫޖީ” އިމްތިހާނުގެ ސުވާލު ކަރުދާސް ލީކުވާ ކަމަށް ބުނެ ފަތުރާ ދޮގު މައުލޫމާތާއި މަކަރު ހެދުން ހުއްޓުވުމަށް، އެ ގައުމުގައި ޓެލެގްރާމް ވަގުތީ ގޮތުން މަނާކުރުމުން އެ އެޕްލިކޭޝަނުގެ ސީއީއޯ ޕަވެލް ދޫރޫވް ފާޑުވިދާޅުވެއްޖެއެވެ. މަދު ބަޔަކު ކުރާ ކަމަކާ ގުޅިގެން 150 މިލިއަން މީހުންނަށް އަދަބު ދިނުމަކީ ގޯހެއް ކަމަށާއި، މިފަދަ ކަންކަން ހުއްޓުވުމަށް އެތައް ސަތޭކަ ޗެނަލްތަކެއް ބަންދުކޮށްފައިވާނެ ކަމަށް އޭނާ ވިދާޅުވިއެވެ. ސަރުކާރުން މި ފިޔަވަޅު އެޅީ ޓެލެގްރާމްގެ “މެސެޖު އެޑިޓްކުރުމުގެ” ފީޗާ ބޭނުންކޮށްގެން އޮޅުވާލުންތައް ހިންގާ ކަމަށް ބުނެ ކަމަށްވާއިރު، މި ނިންމުމަށް އިންޓަނެޓް މިނިވަންކަމަށް މަސައްކަތްކުރާ ފަރާތްތަކުގެ ފާޑުކިޔުން ވެސް ވަނީ އަމާޒުވެފައެވެ. މި އަމުރާ ގުޅިގެން މިހާރު ވަނީ އިންޑިއާގެ ޕްލޭ ސްޓޯރުން ޓެލެގްރާމް ނަގައި، އެ އެޕްގެ ބައެއް ފީޗާތައް ބޭނުންނުކުރެވޭ ގޮތް ހަދާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0