Read Time:2 Minute, 27 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖޭގައި ޕޭޕަލްގެ ޚިދުމަތް ފެށުމަށް ބޭއްވި ރަސްމިއްޔާތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ދިވެހި އުފެއްދުންތެރިންނަށް ބައިނަލްއަގުވާމީ މާކެޓަށް ނުކުމެ، އެ ފުރުސަތުގެ ބޭނުން ފުރިހަމައަށް ހިފުމަށް ގޮވާލައްވާފައެވެ. މިއީ ރާއްޖޭގެ ކްރިއޭޓަރުންނަށް ކުރިމަތިވެފައިވާ މާލީ މުޢާމަލާތްތަކުގެ ގޮންޖެހުންތަކަށް ހައްލެއް ހޯއްދަވައިދެއްވުމަށް ވެވަޑައިގެންނެވި ވަޢުދެއް ފުދިގެންދިޔަ ދަނޑިވަޅެއްކަން ފާހަގަކުރައްވަމުން، ރައީސް ވިދާޅުވީ ޕޭޕަލްއަކީ 2040 ވަނަ އަހަރާ ހަމައަށް ރާއްޖެ ތަރައްގީވެފައިވާ ޤައުމަކަށް ހެދުމަށް ގެންގުޅުއްވާ ޑިޖިޓަލް އިގްތިސާދުގެ ބޮޑު ތަސައްވުރުގެ މުހިންމު ބައެއް ކަމަށެވެ. މި ތަސައްވުރުގެ ދަށުން 2030 ވަނަ އަހަރާ ހަމައަށް ޑިޖިޓަލް އިކޮނޮމީގެ ހިއްސާ %15 އަށް އިތުރުކުރުމަށް އަމާޒު ހިފާފައިވާއިރު، ގޫގަލް އާއެކު ސަބްމެރިން ކޭބަލް އެޅުމުގެ މަސައްކަތްވެސް ދަނީ ކުރަމުންނެވެ. މީގެ އިތުރުން، އުފެއްދުންތެރިންނަށް ބޭނުންވާ ޒަމާނީ ވަސީލަތްތައް ހިމެނޭ “ކްރިއޭޓަރ ހަބް” މިއަހަރުގެ ނޮވެމްބަރުގައި ހުޅުވޭނެ ކަމަށާއި، މިފަދަ ޑިޖިޓަލް އަދި ފިސިކަލް ވަސީލަތްތަކުގެ އެހީގައި ދިވެހި އުފެއްދުންތައް ދުނިޔެއަށް ދައްކާލުމަށް ރައީސް އިލްތިމާސްކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0