Read Time:2 Minute, 2 Second
ކަނޑުމަގުން ރާއްޖެއިން ބޭރަށް މުދާ ފޮނުވުމުގެ ކްލިއަރެންސް މަރުހަލާތަކަށް އެވްރެޖްކޮށް 10 ދުވަހަށްވުރެ ގިނަ ވަގުތު ހޭދަވާކަން މޯލްޑިވްސް ކަސްޓަމްސް ސާވިސްގެ “ޓައިމް ރިލީޒް ސްޓަޑީ 2025” ރިޕޯޓުން ހާމަވެއްޖެއެވެ. މި ދިރާސާގައި ބަލާފައިވަނީ ޑިކްލަރޭޝަން ހުށަހަޅާ ވަގުތުން ފެށިގެން މުދާ ބަރުކޮށްގެން ބޯޓު ފުރާ ވަގުތާ ހަމައަށެވެ. އެގޮތުން ޑިކްލަރޭޝަން އެސެސްމަންޓަށް ގާތްގަނޑަކަށް 15 ގަޑިއިރު، ފައިސާ ދެއްކުމަށް 17 ގަޑިއިރު، އަދި އޮފް-ޝޯ ރިކުއެސްޓާއި އެޕްރޫވަލްގެ ކަންކަމަށް ގާތްގަނޑަކަށް 3 ދުވަސް ހޭދަވެއެވެ. މީގެ އިތުރުން ތަފާތު އިދާރާތަކުން ކުރާ އިންސްޕެކްޝަންތަކަށް ދޮޅު ދުވަހެއްހާ އިރު ހޭދަވާއިރު، ބުކިން ފޯމަށް ހުއްދަ ލިބުމަށްވެސް އެއް ދުވަހަށްވުރެ ގިނަ ވަގުތު ހޭދަވެއެވެ. މި މުޅި ސިލްސިލާގައި އެންމެ ގިނަ ވަގުތު ހޭދަވަނީ މުދާ ބަރުކޮށް ބޯޓު ފުރުމުގެ ފަހު މަރުހަލާގައެވެ. ކަސްޓަމްސްގެ މަގުސަދަކީ މި ދިރާސާގެ އަލީގައި އިދާރީ އިސްލާހުތަކާއި ޑިޖިޓަލް ނިޒާމުތައް މެދުވެރިކޮށް، މުދާ ފޮނުވުމަށް ހިނގާ ވަގުތު މިހާރަށްވުރެ ކުރުކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0