Read Time:2 Minute, 37 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ކާބޯތަކެތި ބަންދުކުރުމާއި ލޭބަލްކުރުމުގެ އާ ގަވާއިދެއް އެކުލަވާލައި އަމަލުކުރަން ފަށައިފިއެވެ. މި ގަވާއިދުގެ ދަށުން ކާބޯތަކެތި ބަންދުކުރަންވާނީ ހަމައެކަނި ފުޑް ގްރޭޑް މެޓީރިއަލްގައެވެ. އަދި އާންމު ސިއްހަތަށް ނުރައްކާވާގޮތަށް ނުވަތަ އަސްލު އޮޅޭގޮތަށް ލޭބަލްކޮށްގެން ކާބޯތަކެތި އެތެރެކުރުމާއި ވިއްކުމަކީ ބޮޑެތި ޖޫރިމަނާތަކެއް ކަނޑައެޅިފައިވާ ކުށެކެވެ.
މި ގަވާއިދާ ޚިލާފުވާ ފަރާތްތައް 10،000 ރުފިޔާއިން ފެށިގެން 750,000 ރުފިޔާއާ ހަމައަށް ޖޫރިމަނާ ކުރެވޭނެއެވެ. އަދި ކުށް ތަކުރާރުކުރާ މިންވަރަށް ބަލައި ލައިސަންސް ހިފެހެއްޓުމާއި ބާތިލުކުރުމުގެ ބާރު އެމްއެފްޑީއޭއަށް ލިބިގެންވެއެވެ. މީގެ އިތުރުން، ލޭބަލްގެ މައްސަލައަކުން މީހެއްގެ ސިއްހަތަށް ގެއްލުމެއް ލިބިއްޖެނަމަ އެއް މިލިއަން ރުފިޔާއާ ހަމައަށް ޖޫރިމަނާ ކުރެވޭނެއެވެ. ޕެކޭޖިން މިންގަނޑާ ޚިލާފުވާ ފަރާތްތައްވެސް 5،000 ރުފިޔާއިން ފެށިގެން 100،000 ރުފިޔާއާ ހަމައަށް ޖޫރިމަނާ ކުރެވޭނެ ގޮތް ވަނީ ހަމަޖައްސާފައެވެ.
މި އާ ގަވާއިދަށް އަމަލުކުރަން ފެށުމާއެކު ކުރީގެ ގައުމީ މިންގަނޑު ވަނީ އުވާލާފައެވެ. ނަމަވެސް، މިހާރު ބޭނުންކުރާ ލޭބަލްތަކާއި ޕެކޭޖިންތައް އާ މިންގަނޑަށް ފެއްތުމަށްޓަކައި ވިޔަފާރިވެރިންނަށް 6 މަސް ދުވަހުގެ މުއްދަތެއް ވަނީ ދީފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0