Read Time:2 Minute, 17 Second
(ފޮޓޯ ކްރެޑިޓްސް: މީރާ)
ނިމިދިޔަ މޭ މަހު ދައުލަތަށް އާމްދަނީގެ ގޮތުގައި ލިބިފައިވަނީ 2.05 ބިލިޔަން ރުފިޔާއެވެ. މިއީ މިދިޔަ އަހަރުގެ މި މުއްދަތާ އަޅާބަލާއިރު 5.8 އިންސައްތަ ދަށް އަދަދެއް ނަމަވެސް، މިއީ މީރާއިން ލަފާކުރި މިންވަރަށްވުރެ ކުޑަ ތަފާތެކެވެ. އާމްދަނީ ދަށްވި މައިގަނޑު ސަބަބުތަކުގެ ތެރޭގައި ފަތުރުވެރިން އައި މިންވަރު 19.5 އިންސައްތަ ދަށްވުމާއި، ޖީއެސްޓީ އާއި ބިމު ކުލީގެ އިތުރުން ކޯޓާ ފީއިން ލިބުނު އާމްދަނީ މަދުވުން ހިމެނެއެވެ. މީގެ އިތުރުން މެދުއިރުމަތީގެ ހަނގުރާމައިގެ ސަބަބުން ފަތުރުވެރިކަމަށް އައި ލޮޅުންވެސް މީރާއިން ފާހަގަކޮށްފައިވެއެވެ.
މިދިޔަ މަހުގެ އާމްދަނީގެ އެންމެ ބޮޑު ބައެއް ހިއްސާކުރީ ޖީއެސްޓީން ލިބުނު 1.15 ބިލިޔަން ރުފިޔާއެވެ. މީގެ އިތުރުން އާމްދަނީން ނަގާ ޓެކުހުން 234 މިލިޔަން، ގްރީން ޓެކުހުން 139 މިލިޔަން، އަދި އެއަރޕޯޓް ފީތަކުން ގާތްގަނޑަކަށް 314 މިލިޔަން ރުފިޔާ ލިބިފައިވެއެވެ. ނުލިބި ހުރި ފައިސާ ހޯދުމަށް މީރާއިން ކުރި މަސައްކަތުން 382 މިލިޔަން ރުފިޔާ ވަނީ ދައުލަތަށް ހޯދައިދީފައެވެ. މީގެ ތެރޭގައި ނޯޓިސް ފޮނުވައިގެންނާއި، އިންސްޓޯލްމަންޓް އުސޫލުން އަދި އެކި ފިޔަވަޅުތައް އަޅައިގެން ހޯދި ފައިސާ ހިމެނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0