Read Time:2 Minute, 18 Second
ފިޗުން ރާއްޖޭގެ ކްރެޑިޓް ރޭޓިން “ސީސީ” އިން “ސީސީސީ -” އަށް މަތިކުރުމަކީ ރާއްޖޭގެ މާލީ ހާލަތު ރަނގަޅުވަމުންދާކަމުގެ ހެއްކެކެވެ. ކްރެޑިޓް ރޭޓިންއަކީ ގައުމެއްގެ ދަރަނި އަދާކުރުމުގެ ގާބިލުކަން ވަޒަންކުރާ މިންގަނޑަކަށްވާއިރު، މީގެ ކުރިން ރޭޓިން ދަށަށް ދިޔައީ ދަރަނި ނުދެއްކިދާނެކަމުގެ ބިރު ބޮޑުވުމުންނެވެ. ނަމަވެސް، މި ސަރުކާރުން ގެންގުޅޭ ހަރުދަނާ އިގްތިޞާދީ ސިޔާސަތުތަކުގެ ސަބަބުން މިހާރު ވަނީ މިސްރާބު ބަދަލުވެފައެވެ.
މި ކުރިއެރުން ލިބުނު މައިގަނޑު ސަބަބުތަކަކީ ޓެކްސްގެ ނިޒާމަށް ގެނައި ބަދަލުތަކުން އާމްދަނީ އިތުރުކުރުމާއި، ބޭރު ފައިސާގެ ގާނޫނަށް ގެނައި އިސްލާހުތަކުގެ ތެރެއިން ރިޒާވް ވަރުގަދަކުރުމެވެ. މީގެ އިތުރުން، އިތުރު ދަރަންޏެއް ނުނަގައި، ސޮވެރިން ޑިވެލޮޕްމެންޓް ފަންޑާއި ރިޒާވް ބޭނުންކޮށްގެން 500 މިލިއަން ޑޮލަރުގެ ސުކޫކް ދެއްކުމާއި، މިއަހަރު ދައްކަން އޮތް ބޮޑު ދަރަނި ބޮޑުތަނުން ކުޑަކުރުން ފިޗުން ފާހަގަކޮށްފައިވެއެވެ. މިއީ ރައީސް ޑރ. މުއިއްޒުގެ އިރުޝާދުގެ ދަށުން އެޅި ހަރުދަނާ ފިޔަވަޅުތަކުގެ ނަތީޖާއެއް ކަމަށާއި، ގައުމު ބަނގުރޫޓުވުމުގެ ނުރައްކަލުން ސަލާމަތްވަމުންދާކަން ބައިނަލްއަގުވާމީ އިދާރާތަކުން މިވަނީ ބަލައިގެންފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0