Read Time:2 Minute, 32 Second
(ފޮޓޯ ކްރެޑިޓްސް: މިހާރު)
މި ލިޔުމުގެ ޚުލާސާއަކީ ދައުލަތުގެ ކުންފުނިތަކާއި ސަރުކާރުގެ މުއައްސަސާތަކަށް ޚާއްސަކޮށްގެން ހިންގާ ބޯހިޔާވަހިކަމުގެ މަޝްރޫއުތަކުގައި ހުރި ނާއިންސާފާއި ހަމަހަމަކަން ނެތް މައްސަލަތަކެވެ. ވަޒީފާގައި އުޅޭ މުއްދަތަށް ބެލުމެއް ނެތި އަދި ދިރިއުޅުމުގެ ހާލަތަށް ރިއާޔަތްކުރުމެއް ނެތި ބައެއް ފަރާތްތަކަށް ފްލެޓު ލިބޭއިރު، މީގެ ތެރޭގައި ސިޔާސީ ނުފޫޒާއި މާލީ ތަނަވަސްކަން ހުރި މީހުން ހިމެނޭކަން ވަނީ ފާހަގަކުރެވިފައެވެ. މީގެ އިތުރުން، ޚާއްސަ ސްކީމްތަކުން ފްލެޓު ލިބޭ ބައެއް ފަރާތްތަކުން އެ ތަންތަން ބޮޑު އަގުގައި ކުއްޔަށް ދީގެން ނާޖާއިޒު ފައިދާ ހޯދާ މައްސަލަވެސް ބޮޑެވެ.
ސަރުކާރުން މިހާރުވެސް ސިފައިންނާއި ފުލުހުންނަށް ޚާއްސަ ބޯހިޔާވަހިކަމުގެ މަޝްރޫއުތައް އިއުލާންކޮށްފައިވާއިރު، އާންމު ރައްޔިތުންގެ މެދުގައި އޮތް އެންމެ ބޮޑު ކަންބޮޑުވުމަކީ ބޯހިޔާވަހިކަން ލިބުމުގައި ވަކި ދާއިރާއަކަށް ނުވަތަ މުއައްސަސާއަކަށް ނިސްބަތްވުން މިންގަނޑަކަށް ހެދުމެވެ. ގިނަ ބަޔަކު ދެކޭގޮތުގައި ބޯހިޔާވަހިކަމަކީ ދިވެހި ރައްޔިތަކަށްވީތީ ލިބެންޖެހޭ އަސާސީ ހައްގަކަށް ވާންޖެހޭނެއެވެ. އަދި ފްލެޓު ދޫކުރަންވާނީ އެ މީހެއްގެ ދިރިއުޅުމުގެ ހާލަތަށާއި ބޯހިޔާވަހިކަމަށް ބޭނުންވެފައިވާ މިންވަރަށް ބަލައި، ހާމަކަން ބޮޑު އިންސާފުވެރި އުސޫލެއްގެ ދަށުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0