Read Time:1 Minute, 50 Second
(ފޮޓޯ ކްރެޑިޓްސް: މަސްވެރިޔާ)
މިދިޔަ މެއި މަހު މަސްވެރިން މިފްކޯއަށް ކިރުވި 1791 ޓަނުގެ މަހަށް 31 މިލިޔަން ރުފިޔާ ދޫކޮށްފައިވާ ކަމަށް އެ ކުންފުނިން ހާމަކޮށްފިއެވެ. މޫސުން ގޯސްވުމާއި އީދު ބަންދާ ގުޅިގެން މިދިޔަ މަހު މަސް ކިރުވި މިންވަރު އެޕްރީލް މަހާ އަޅާބަލާއިރު ވަނީ ދަށްވެފައެވެ. މިދިޔަ މަހު އެންމެ ގިނައިން ކިރުވާފައިވަނީ ކަޅުބިލަމަހެވެ. މަސްވެރިކަން ކުރިއެރުވުމަށް ސަރުކާރުން ކުރާ މަސައްކަތުގެ ދަށުން މިހާރު މަސްވެރިންނަށް 48 ގަޑިއިރުގެ ތެރޭގައި ފައިސާ ދޫކުރަމުންދާއިރު، ޚާއްސަ އަގުތަކެއްގައި ތެޔޮ ވެސް ދަނީ ފޯރުކޮށްދެމުންނެވެ. އެގޮތުން މިދިޔަ މަހުގެ މެދާ ހަމައަށް 2.5 މިލިޔަން ލީޓަރުގެ ތެޔޮ މަސްވެރިންނަށް ދޫކޮށްފައިވެއެވެ. ސަރުކާރުގެ އަމާޒަކީ ދުނިޔޭގެ މަސްރަހަށް އަންނަ ބަދަލުތަކާ ގުޅިގެން މަސްވެރިކަމުގެ ސިނާޢަތަށް ދަތިނުވާނެހެން ކަންކަން އިންތިޒާމުކޮށް، މަސްވެރިންނަށް ގަވާއިދުން ފައިސާ ލިބޭނެ ގޮތް ހަމަޖައްސައިދިނުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0