Read Time:2 Minute, 28 Second
(ފޮޓޯ ކްރެޑިޓްސް: ރައީސް އޮފީސް)
މާލީ ވުޒާރާގެ 2025 ވަނަ އަހަރުގެ ބަޖެޓު ނަތީޖާ ބަޔާނުން ދައްކާގޮތުގައި، މިދިޔަ އަހަރު ދައުލަތުން ކުރި ޚަރަދު ވަނީ އަންދާޒާކުރި ވަރަށް ވުރެ 5 ބިލިއަން ރުފިޔާ މަދުވެފައެވެ. ބަޖެޓުގައި 49.2 ބިލިއަން ރުފިޔާ ޚަރަދުވާނެ ކަމަށް ލަފާކުރި ނަމަވެސް، ހަގީގީ ޚަރަދަކީ 44.2 ބިލިއަން ރުފިޔާއެވެ. މިއީ ޚަރަދު ކުޑަކުރުމުގެ ހަރުދަނާ ސިޔާސަތުތަކުގެ ސަބަބުން ލިބުނު ކުރިއެރުމެކެވެ. ޚަރަދުތައް ކުޑަވުމާއެކު ބަޖެޓު ޑެފިސިޓް ވެސް ވަނީ ލަފާކުރި 9.4 ބިލިއަނުން 4.4 ބިލިއަން ރުފިޔާއަށް ދަށްވެފައެވެ. މިއީ ވޭތުވެދިޔަ ހަ އަހަރުގެ ތެރޭގައި ޖީޑީޕީގެ ނިސްބަތުން ޑެފިސިޓް އެންމެ ބޮޑަށް ދަށްވި އަހަރެވެ. މީގެ އިތުރުން، މިދިޔަ އަހަރަކީ ސަޕްލިމެންޓަރީ ބަޖެޓަކާ ނުލައި ދައުލަތުގެ ޚަރަދުތައް ބެލެހެއްޓި ފުރަތަމަ އަހަރެވެ.
ދައުލަތަށް ލިބުނު އާމްދަނީއަށް ބަލާއިރު، ލަފާކުރި ވަރަށް ވުރެ 74.4 މިލިއަން ރުފިޔާ އިތުރަށް ލިބިފައިވެއެވެ. މިއީ 2019 އަށް ފަހު ދައުލަތަށް އެންމެ ގިނައިން އާމްދަނީ ލިބުނު އަހަރެވެ. އާމްދަނީ އިތުރުވީ ފަތުރުވެރިކަމުގެ ފީތަކާއި ޓެކްސް ނޫން އާމްދަނީ އިތުރުވުމުންނެވެ. ޚަރަދުތައް ކުޑަކުރި ނަމަވެސް، އާންމު ޚިދުމަތްތަކަށާއި އިޖުތިމާޢީ އެހީތަކަށް އެއްވެސް ބުރޫއެއް އަރާފައިނުވާކަން ސަރުކާރުން ފާހަގަކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0