Read Time:2 Minute, 1 Second
(ފޮޓޯ ކްރެޑިޓްސް: ރައީސް އޮފީސް)
ނައިބު ރައީސް ހުސައިން މުހައްމަދު ލަތީފް މަގާމުން ވަކިކުރަން އުޅޭ ކަމަށް ބުނެ އިދިކޮޅު ފަރާތްތަކުން ފަތުރަމުންދާ ވާހަކަތަކަކީ އެއްވެސް އަސާސެއް ނެތް ބުހުތާނު ދޮގުތަކެއް ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ރައީސް ވިދާޅުވީ، މިއީ ސިޔާސީ ގޮތުން މީހުން މާ ބޮޑަށް މާޔޫސްވެގެން ފަތުރާ ހަގީގަތާ ހިލާފު ވާހަކަތަކެއް ކަމަށާއި، ރާއްޖޭގައި ޒިންމާދާރު އިދިކޮޅު ފަރާތްތަކެއް ނެތްކަން މީގެއިން ހާމަވާ ކަމަށެވެ. މީގެ އިތުރުން، މަޖިލީހުގެ ނައިބު ރައީސް އަހުމަދު ނާޒިމް މަގާމުން ވަކިކުރުމާ ގުޅޭގޮތުން ސިންގަޕޫރުގައި ބައްދަލުވުމެއް ބޭއްވި ކަމަށް ދެކެވޭ ވާހަކަތައް ވެސް ރައީސް ވަނީ ދޮގުކުރައްވާފައެވެ. އެމަނިކުފާނު ވިދާޅުވި ގޮތުގައި ސިންގަޕޫރަށް ކުރެއްވި ދަތުރުފުޅަކީ އާއިލާއާ އެކު ހޭދަކުރެއްވި އަމިއްލަ ދަތުރުފުޅެއް ކަމަށާއި، އެއްވެސް ސިޔާސީ މަޝްވަރާއެއް އެ ދަތުރުފުޅުގައި ކުރިއަށް ނުގެންދަވާ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0