Read Time:1 Minute, 58 Second
(ފޮޓޯ ކްރެޑިޓްސް: ރައީސް އޮފީސް)
މަސްތުވާތަކެއްޗާއި ޤަވާއިދާ ޚިލާފު ތަކެތި އެތެރެކުރުން ހުއްޓުވުމަށްޓަކައި، ކުރިއަށް އޮތް 4 މަސްދުވަހުގެ ތެރޭގައި ރާއްޖޭގެ މައި ބަނދަރުގައި ކޮންޓެއިނަރު ސްކޭނަރެއް ބަހައްޓައި އޮޕަރޭޝަނަށް ނެރޭނެކަމަށް ދާޚިލީ ސަލާމަތާ ބެހޭ ވަޒީރު ޢަލީ އިޙްސާން ވިދާޅުވެއްޖެއެވެ. އެމްޕީއެލްއާއި ކަސްޓަމްސް ގުޅިގެން ކުރިއަށްގެންދާ މި މަސައްކަތުގެ ސަބަބުން ބޯޑަރުގެ ސަލާމަތީ ކަންކަން ވަރުގަދަވެ، ފޭކު މުދަލާއި މަސްތުވާތަކެތި އެތެރެކުރުން ބޮޑުތަނުން ކޮންޓްރޯލް ކުރެވޭނެއެވެ. ސަރުކާރުން މިހާރުވެސް އިންޓެލިޖެންސްގެ އެހީގައި ފާސްކުރުންތައް ހަރުދަނާކޮށްފައިވާއިރު، ވައިގެ މަގުން އެތެރެވާ ހުރިހާ ޕެކޭޖުތަކެއް ސްކޭންކުރަން ވަނީ ފަށާފައެވެ. މަސްތުވާތަކެތީގެ މައްސަލަ ޙައްލުކުރުމަށް ހުރިހާ މުއައްސަސާތަކެއް އެއް ފުރާޅެއްގެ ދަށަށް ގެނެސް، މި ފާއިތުވި ދުވަސްތަކުގައި ގިނަ އަދަދެއްގެ މަސްތުވާތަކެތި އަތުލައިގަނެ ބޮޑެތި ކާމިޔާބީތަކެއް ހޯދާފައިވާކަން ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0