Read Time:3 Minute, 11 Second
ފޮޓޯ ކްރެޑިޓްސް: ރައްޔިތުންގެ މަޖިލިސް
އިދިކޮޅު އެމްޑީޕީން ގާނޫނު އަސާސީއޭ ކިޔައިގެން އުޅެނީ ގައުމު ހަލަބޮލިކުރަން ކަމަށް ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ޝުޖާއު ވިދާޅުވެއެވެެ. ޝުޖާއު އެފަދައިން ވިދާޅުވެފައިވަނީ ޤާނޫނު އަސާސީގެ ދިފާއުގައި އެމްޑީޕީން އަންނަ މަހު ބޮޑު ޖަލްސާއެއް ބާއްވަން ތައްޔާރުވަމުން އަންނަ ދަނޑިވަޅެއްގައެވެ. އެގޮތުން “އެކްސްގައި” ކުރި ޕޯސްޓެއްގައި ޝުޖާއު ވިދާޅުވީ، އެމްޑީޕީން ގާނޫނު އަސާސީއޭ ކިޔާ އުޅެނީ ގައުމު ހަލަބޮލި ކުރަން ކަމަށެވެ.
“ކުރިން އުޅުނު ގޮތައް އަލިފާން ބޯޅަ އުކައި، މިރުސް ފެން ފުލުހުންގެ މޫނަށް ޖަހައި، ދައުލަތުގެ އިމާރާތްތަކުގަ ހުޅުޖެހި ޒަމާން އިޔާދަ ކުރަން ނޫޅުއްވާ. އެކަމެން ދެން އިންޝާالله ނުވާނެ. ގާނޫނު އަސާސީ އާއި ހިލާފު ކަމެއް ކޮށްފި ނަމަ ދާނީ ކޯޓަށް.” ޝުޖާއު ވިދާޅުވިއެވެ. ޝުޖާއު ވިދާޅުވީ އެމްޑީޕިއިން މަގުމަތީގައި ކޯޓު ހަދައިގެން އުޅުނު ޒަމާން މާޒީވެއްޖެ ކަމަށެވެ. ގައުމަށް ބިލިއަން ޑޮލަރުގެ މަޝްރޫއުތައް އަންނަން ފެށި ވަގުތު މަގުމަތި ހަލަބޮލިކޮށް އެ ފުރުސަތުން ދިވެހީން މަހުރޫމު ކުރިގޮތައް ދެން އެކަމެއް ނުވާނެ ކަމަށް ވިދާޅުވިއެވެ.
އެމްޑީޕީން ބުނި ގޮތުގައި “ޤާނޫނު އަސާސީގެ ދިފާއުގައި ރައްޔިތުން”ގެ ނަމުގައި ބާއްވާ މި ޖަލްސާ އޮންނާނީ އަންނަ މަހުގެ 10 ވަނަ ދުވަހު މާލޭ ކާނިވާ ސަރަހައްދުގައެވެ. އެމްޑީޕީން ބުނީ، މިއީ ގިނަ ބައެއްގެ ބުރަ މަސައްކަތުން ހޯދި ޤާނޫނު އަސާސީ އަށް އެއްވެސް ބެލުމެއް އަދި ރައްޔިތުން ކައިރިން އަހާލުމެއް ވެސް ނެތި ބަދަލުތައް ގެންނާތީ އާއި ފަރުދީ އަދި އަސާސީ މިނިވަންކަން ސަރުކާރުން ނިގުޅައިގަންނަމުންދާތީ އެކަމާ ދެކޮޅަށް އަޑު އުފުލުމަށް ބާއްވާ ޖަލްސާއެއް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0