Read Time:1 Minute, 58 Second
ރާއްޖެއިން ހިމަބިހީގެ ކޭސްތަކެއް ފެންނަމުންދާތީ، އެކަމަށް ސަމާލުވުމަށް އެޗްޕީއޭ އިން ވަނީ އިލްތިމާސްކޮށްފައެވެ. މި ބައްޔަކީ ނޭވާލުމުގެ ނިޒާމުގެ ތެރެއިން ވަރަށް ހަލުވިކޮށް ފެތުރޭ ބައްޔެކެވެ. ބަލީގެ މައިގަނޑު އަލާމާތްތަކުގެ ތެރޭގައި ހުންއައުން، ކެއްސުން، ރޯގާޖެހުން، ލޯ ރަތްވުން އަދި މޫނުން ފެށިގެން މުޅި ހަށިގަނޑަށް ފެތުރޭ ރަތް ބިހިތަކެއް ނެގުން ހިމެނެއެވެ.
މި ބަލިން ރައްކާތެރިވުމަށް އޮތް އެންމެ މުހިންމު ފިޔަވަޅަކީ މީސްލްސް ވެކްސިންގެ ދެ ޑޯޒް ފުރިހަމަކުރުމެވެ. ޚާއްޞަކޮށް ފަސް އަހަރުން ދަށުގެ ކުދިންނަށް މި ބަލީގެ ނުރައްކާ ބޮޑެވެ. ބަލީގެ އަލާމާތެއް ފެނިއްޖެނަމަ، މާސްކު އަޅައިގެން ޑޮކްޓަރަށް ދެއްކުމަށް ސަމާލުކަން ދޭންޖެހެއެވެ. އައިޖީއެމްއެޗްގައި މިކަމަށް ޚާއްޞަ މޭޒެއް ގާއިމުކޮށް، ކޮންމެ ދުވަހަކު ހެނދުނު 8:00 އިން ރޭގަނޑު 11:00 އަށް ޚިދުމަތް ދެމުންދެއެވެ. އަވަށްޓެރި ބައެއް ގައުމުތަކުގައިވެސް މި ބަލި ބާރަށް ފެތުރެމުންދާތީ، އާންމު ސިއްހަތަށް ރައްކާތެރިވުމަކީ ކޮންމެހެން ބޭނުންތެރި ކަމެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0