Read Time:1 Minute, 40 Second
(ފޮޓޯ ކްރެޑިޓްސް: ރައީސް އޮފީސް)
ދުނިޔޭގެ ފުޓުބޯޅަ ދުވަހުގެ މުނާސަބަތުގައި ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ފޮނުއްވި މެސެޖުގައި، ފުޓުބޯޅައަކީ ހަމައެކަނި ކުޅިވަރެއް ނޫން ކަމަށާއި އެއީ މުޅި ދުނިޔެ ބަދަހިކޮށްދޭ އަދި އެކި ސަގާފަތްތަކުގެ މީހުން ގުޅުވައިދޭ ވަސީލަތެއްކަން ފާހަގަކުރެއްވިއެވެ. މި ކުޅިވަރުގެ ސަބަބުން ރިވެތި އަޚުލާގާއި، ޓީމްވޯކް އަދި ޒިންމާދާރު ރައްޔިތުންތަކެއް ބިނާކުރުމަށް މަގުފަހިވާކަމަށް އެކަމަނާ ވިދާޅުވިއެވެ. އަދި ފުޓުބޯޅައިގެ ތެރެއިން އަމާން، ބަދަހި މުޖުތަމައުއެއް އުފެދި، ޒުވާނުންނަށް ފާގަތި މުސްތަގުބަލެއް ލިބުމަކީ އެކަމަނާގެ ބޮޑު އުއްމީދެކެވެ. މެއި 25 ގައި ފާހަގަކުރާ ދުނިޔޭގެ ފުޓުބޯޅަ ދުވަހަކީ ބައިނަލްއަގުވާމީ ފުރަތަމަ މުބާރާތަށް 100 އަހަރު ފުރުމާ ގުޅިގެން 2024 ވަނަ އަހަރުން ފެށިގެން ފާހަގަކުރަން ފެށި ދުވަހެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0