Read Time:2 Minute, 58 Second
(ފޮޓޯ ކްރެޑިޓްސް: ވަގުތު)
ރާއްޖޭގައި ގަވާއިދާ ހިލާފަށް އުޅޭ ބިދޭސީން ހޯދުމަށް ކުރަމުން އަންނަ މަސައްކަތުގެ ދަށުން މާލޭގައި ހިންގި އޮޕަރޭޝަނެއްގައި ނުވަ ކެފޭއެއް ބަލައި ފާސްކޮށް، ހަތަރު ބިދޭސީން ހައްޔަރުކޮށްފިއެވެ. އިމިގްރޭޝަނުން ވިދާޅުވި ގޮތުގައި މި ހަތަރު ބިދޭސީންނަކީ ސައްހަ ވިސާއެއް ނެތި، ގަވައިދާ ހިލާފަށް މަސައްކަތް ކުރަމުން ދިޔަ ބައެކެވެ. މި ބިދޭސީން މިހާރު ވަނީ އިމިގްރޭޝަންގެ ބެލުމުގެ ދަށަށް ގެންގޮސްފައެވެ.
މި އޮޕަރޭޝަނަކީ ރާއްޖޭގައި ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށް ސަރުކާރުން ކުރަމުންދާ މަސައްކަތްތަކުގެ ތެރެއިން ބައެކެވެ. މިފަދަ އޮޕަރޭޝަންތަކުގެ ސަބަބުން ގަވާއިދާ ހިލާފަށް ބިދޭސީން ގެންގުޅޭ ވިޔަފާރިތަކަށް ބޮޑެތި ޖޫރިމަނާތަކާ ކުރިމަތިލާން ޖެހޭނެއެވެ. އިމިގްރޭޝަނުން ވިދާޅުވެފައި ވަނީ މިފަދަ އޮޕަރޭޝަންތައް ކުރިއަށް އޮތް ތަނުގައި ވެސް ހުއްޓުމެއްނެތި ކުރިއަށްދާނެ ކަމަށެވެ. އަދި ގަވާއިދާ ހިލާފަށް ބިދޭސީން ގެންގުޅޭ ފަރާތްތަކާމެދު ގާނޫނީ ފިޔަވަޅު އަޅާނެ ކަމަށް ވެސް ވިދާޅުވެފައިވެއެވެ.
އަމާޒަކީ ތިން އަހަރުގެ ތެރޭގައި ގަވާއިދާ ހިލާފަށް އުޅޭ ބިދޭސީންގެ މައްސަލަ އެއްކޮށް ހައްލު ކުރުން ކަމަށާއި، އެކަމަށް ކުރެވެން ހުރި މަސައްކަތެއް ކުރައްވާނޭ ކަމަށް އިމިގްރޭޝަން ކޮންޓްރޯލާ މުހައްމަދު ޝައްމާން ވަނީ ކުރިން ވިދާޅުވެފައެވެ. މި އޮޕަރޭޝަންތަކުގެ ނަތީޖާ ވަރަށް ރަނގަޅު ކަމަށާއި، މާލޭގައި ހިންގި އޮޕަރޭޝަންތަކާއި ގުޅިގެން އެތަކެއް އިންސައްތަ މީހުން ވަނީ ވިސާ ރަނގަޅުކޮށްފައި ކަމަށް ޝައްމާނު ވަނީ ވިދާޅުވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0