Read Time:2 Minute, 11 Second
(ފޮޓޯ ކްރެޑިޓްސް: ރޮއިޓާރސް)
ޣައްޒާގެ ބޯޑަރުތައް ޔަހޫދީން ބަންދުކޮށްފައި އޮތުމުގެ ސަބަބުން، އެ ސަހަރުގެ އެތައް ހާސް ރައްޔިތުންނަކަށް މިއަހަރުގެ ޙައްޖުގެ މަތިވެރި އަޅުކަން އަދާކުރުމުގެ ފުރުޞަތު ވަނީ ގެއްލިފައެވެ. ޚާއްޞަކޮށް ރަފަޙް ހުރަސް ބަންދުވުމުން ފާއިތުވި ތިން އަހަރުގެ ތެރޭގައި 10,000 އަށްވުރެ ގިނަ މީހުންނަށް ޙައްޖަށް ނުދެވިފައިވާއިރު، މީގެ ކުރިން ޙައްޖަށް ދިޔުމަށް ހޮވިފައިވާ 71 މީހަކު ޔަހޫދީންގެ ޢުދުވާނީ ޙަމަލާތަކުގައި ވަނީ ޝަހީދުވެފައެވެ.
ޔަހޫދީންގެ މި ޢަމަލުތަކުގެ ސަބަބުން ޣައްޒާގެ ޙައްޖާއި ޢުމްރާގެ ޚިދުމަތްދޭ 78 ކުންފުންޏެއްގެ މަސައްކަތް ހުއްޓި، އިޤްތިޞާދީ ގޮތުން ބޮޑެތި ގެއްލުންތަކެއް ވަނީ ލިބިފައެވެ. މިކަމަކީ ބައިނަލްއަޤްވާމީ ޤާނޫނުތަކާއި ޖެނީވާ މުއާހަދާއާ ޚިލާފު، ދީނީ މިނިވަންކަމަށް ހުރަސްއެޅުމުގެ ޢަމަލެއް ކަމަށް ކަމާބެހޭ އިދާރާތަކުން ބުނެއެވެ. ޣައްޒާގެ ދީނީ ވުޒާރާއިން ވަނީ މި ހުރަސްތައް ނައްތާލައި، ފަލަސްޠީނުގެ ރައްޔިތުންނަށް ޙައްޖަށް ދެވޭނެ އިންތިޒާމް ހަމަޖައްސައިދިނުމަށް ސަޢޫދީ ޢަރަބިއްޔާއާއި މިޞްރުގެ އިތުރުން ބައިނަލްއަޤްވާމީ މުޖުތަމަޢަށް ގޮވާލާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0