Read Time:2 Minute, 22 Second
ދަތުރުފަތުރުގެ ދާއިރާ ކުރިއެރުވުމާއި ގުޅޭ ގޮތުން ރާއްޖެއާއި އެމެރިކާއިން މަޝްވަރާ ކޮށްފިއެވެ. މި މަޝްވަރާ ކޮށްފައިވަނީ ދަތުރުފަތުރާއި މަދަނީ އުފުހުންތަކާ ބެހޭ ވަޒިރު، މުހައްމަދު އަމީން، ރާއްޖެއަށް ކަނޑައަޅުއްވާފައި ހުންނަވާ އެމެރިކާގެ ސަފީރު، ހިއުގޯ ޔޮންއާ އެކީ ބޭއްވި ބައްދަލުކުރެއްވުމުގައެވެ.
އެ ވުޒާރާއިން ބުނީ، މި ބައްދަލުވުމުގައި ދެ ފަރާތުން މަޝްވަރާކުރެއްވި މައިގަނޑު މަޢުޟޫޢުތަކުގެ ތެރޭގައި ދަތުރުފަތުރުގެ ދާއިރާ ކުރިއެރުވުމާއި، އުމްރާނީ ތަރައްޤީގެ މަޝްރޫޢުތައް ތަންފީޛުކުރުމަށް ކަމަށެވެ. އަދި އެހެނިހެން އިޤްތިޞާދީ އަދި އިޖްތިމާޢީ ދާއިރާތަކުން ދެ ޤައުމުގެ މެދުގައި އެއްބާރުލުން އިތުރުކުރުމުގެ މުހިންމުކަން ފާހަގަކުރެއްވި ކަމަށެވެ. މީގެއިތުރުން މުސްތަޤުބަލުގައި ދެ ޤައުމުގެ ގުޅުން އިތުރަށް ބަދަހިކުރުމަށް މަސައްކަތްކުރުމުގެ މުހިންމުކަމާ މެދުވެސް ވަނީ މަޝްވަރާކުރެވިފައިވާ ކަމަށް އެ ވުޒާރާއިން ވަނީ ބުނެފައެވެ.
ދެ ޤައުމުގެ ދެމެދުގައި އޮތް ގުޅުން އިތުރަށް ވަރުގަދަކޮށް، މުސްތަޤުބަލުގައި އިތުރު ގުޅުންތައް ޤާއިމުކުރުމަށް މަސައްކަތްކުރުމަކީ މުހިންމު ކަމެއް ކަމަށް މި ބައްދަލުވުމުގައި ދެ ފަރާތުން ވެސް ފާހަގަ ކޮށްފައިވާ ކަމަށް އެ ވުޒާރާއިން ވަނީ ބުނެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0