Read Time:2 Minute, 53 Second
(ފޮޓޯ ކްރެޑިޓްސް: ދަ ރޯޔަލް ފެމިލީ)
ދިވެހި ކަނޑުމަހަށް ހަމަ އަގު ހޯދައިދިނުމަކީ ސަރުކާރުތަކުން އަބަދުވެސް ވަމުން އަންނަ ވަޢުދެކެވެ. ރާއްޖޭގެ މަސްވެރިކަމުގެ ސިނާޢަތުގައި އިނގިރޭސިވިލާތަކީ ދެވަނައަށް އެންމެ ބޮޑު ބާޒާރު ކަމަށްވާއިރު، އެ ބާޒާރަށް ބޭރުކުރަނީ ރާއްޖޭގައި ޕްރޮސެސްކޮށް އަގުއެއްކުރެވިފައިވާ މަހުގެ އުފެއްދުންތަކެވެ. ނަމަވެސް، 2011 ވަނަ އަހަރު ރާއްޖެ ތަރައްޤީވަމުން އަންނަ ޤައުމުތަކުގެ ލިސްޓަށް ބަދަލުވުމާ ގުޅިގެން، 2014 އިން ފެށިގެން އިނގިރޭސިވިލާތަށް ބޭރުކުރާ މަހުން %24 ގެ ޓެރިފެއް ނަގަން ފެށުމުން ބޮޑެތި ގޮންޖެހުންތަކެއް ކުރިމަތިވިއެވެ.
މި ޓެރިފް ކަނޑާލުމަށް ވޭތުވެދިޔަ 12 އަހަރު އެކި ސަރުކާރުތަކުން މަޝްވަރާ ކުރި ނަމަވެސް، އެދެވޭ ނަތީޖާއެއް މިހާތަނަށް ފެނިފައެއް ނުވެއެވެ. ކުރީ ސަރުކާރުން މަހުގެ އަގު ބޮޑުކުރުމާ ގުޅިގެން ދައުލަތަށް މާލީ ބުރަބޮޑުވެ، މަސްވެރިންނަށް ފައިސާ ދިނުމުގައި ދަތިތަކެއް ކުރިމަތިވިއެވެ. ނަމަވެސް، މިހާރުގެ ސަރުކާރުން އިނގިރޭސިވިލާތާއެކު ކުރި ހަރުދަނާ މަޝްވަރާތަކުގެ ނަތީޖާއެއްގެ ގޮތުން، ދިވެހި މަހުން ނަގާ ޓެރިފް ކަނޑާލަން މިހާރު ވަނީ ނިންމާފައެވެ. ރައީސުލްޖުމްހޫރިއްޔާ އިނގިރޭސިވިލާތަށް ކުރެއްވި ދަތުރުފުޅުގައި “ފްރޮމް މޯލްޑިވްސް” ބްރޭންޑް އިފްތިތާޙްކުރުމަކީވެސް މި ސިނާޢަތް ކުރިއެރުވުމަށް އެޅުނު މުހިންމު ފިޔަވަޅެކެވެ. މި ނިންމުމުގެ ސަބަބުން 12 އަހަރަށްފަހު ދިވެހި މަހަށް އަނެއްކާވެސް ބައިނަލްއަޤްވާމީ ބާޒާރުގައި ހަމަ އަގު ލިބި، މަސްވެރިންނަށް އޭގެ މަންފާ ބޮޑުތަނުން ކުރާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0