Read Time:3 Minute, 52 Second
(ފޮޓޯ ކްރެޑިޓްސް: ވަގުތު)
ސަރުކާރުން ކުރިއަށް ގެންދާ 4000 ފްލެޓްގެ މަޝްރޫއަށް ދައުލަތުން ނުދައްކާ އޮތް 178 މިލިއަން ރުފިޔާ ދައްކައިފިއެވެ. ދައުލަތުގެ މީޑިއާ “ޕީއެސްއެމް”އަށް ދެއްވި އިންޓަވިއުއެއްގައ ިފަހި ދިރިއުޅުން ކޯޕަރޭޝަން (އެފްޑީސީ) ގެ މެނޭޖިން ޑިރެކްޓަރު ހަމްދާން ޝަކީލް ވިދާޅުވީ، މި ސަރުކާރުން ވެރިކަމާއި ހަވާލުވިއިރު 4000 ރުފިޔާގެ މަޝްރޫއަށް ދައްކަން ޖެހޭ ފައިސާ ކުރީ ސަރުކާރުން އެއްކޮށް ދައްކާފައިނުވާ ކަމަށެވެ. އޭގެ ސަބަބުން ފްލެޓްތަކުގެ މަސައްކަތް ލަސްވި ކަމަށް ވިދާޅުވިއެވެ.
“މި ސަރުކާރު ވެރިކަމާ ހަވާލުވެ އެ މަޝްރޫއަށް 178 މިލިއަން ރުފިޔާ ވަނީ ދައްކާފައި. އަދި އެ ފްލެޓްތަކުގައި މަސައްކަތްތަކަށް އިސްލާހު ގެނެސް އަވަސްވާނެ ގޮތްތަކެއް ވަނީ ހަމަޖައްސާފައި.” ހަމްދާން ވިދާޅުވިއެވެ. ހަމްދާން ވިދާޅުވީ މިދިޔަ ސަރުކާރު ނިމުނު އިރުގައި އެ ފްލެޓްތަކުގެ 31 އިންސައްތަ މަސައްކަތް ނިންމާފައިވާ ކަމަށެވެ. އަދި މި ސަރުކާރު ވެރިކަމަށް އައިސް އަށް މަހުގެ ތެރޭގައި އެ މަޝްރޫއުގެ 32 އިންސައްތަ މަސައްކަތް މިހާރު ނިންމާފައިވާ ކަމަށެވެ.
“ގެދޮރުވެރިޔާ” ސްކީމްގެ ދަށުން ދޫކުރަން ނިންމާފައިވާ 4،000 ފްލެޓް އަޅަނީ އިންޑިއާގެ އެގްޒިމް ބޭންކުން 227 މިލިއަން ޑޮލަރުގެ ސޮވެރިން ގެރެންޓީއެއް ދިވެހި ސަރުކާރަށް ދީގެންނެވެ. މިއީ އިންޑިއާގެ ޖޭއެމްސީ ޕްރޮޖެކްޓްސް ލިމިޓެޑާއި ނެޝަނަލް ބިލްޑިންސް ކޮންސްޓްރަކްޝަން ކޮމްޕެނީ (އެންބީސީސީ) އިން ކުރިއަށްގެންދާ މަޝްރޫއެކެވެ. މި މަޝްރޫއުގައި ހިމެނޭ 32 ޓަވަރުގެ ތެރެއިން 16 ޓަވަރު އެންބީސީސީން ކުރާ އިރު، އަނެއް 16 ޓަވަރުގެ މަސައްކަތް ކުރަނީ ޖޭއެމްސީންނެވެ.
މި ޓަވަރުތަކުގައި ހިމެނެނީ ތިން ކޮޓަރީގެ 2800 އެޕާޓްމެންޓާއި ދެ ކޮޓަރީގެ 1200 އެޕާޓްމެންޓެވެ. ދެ ކޮޓަރީގެ އެޕާޓްމަންޓްތަކަކީ 650 އަކަފޫޓްގެ ޔުނިޓްތަކެވެ. ތިން ކޮޓަރިއަކީ 900 އަކަފޫޓުގެ އެޕާޓްމަންޓްތަކެވެ. މިއީ ޖާގަ ތަނަވަސް އެޕާޓްމެންޓްތަކަށް ވާއިރު، އެފްޑީސީން ވިދާޅުވީ އާންމުންނަށް ފެލްޓްތައް ހަވާލުކޮށް، މީހުން ދިރިއުޅެން ފެށުމުގެ ކުރިން ކޮންމެ އިމާރާތެއްގަައިވެސް އަސާސީ ހިދުމަތްތަައް ލިބޭނެ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0