Read Time:2 Minute, 32 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ޤައުމީ އެއަރލައިން މޯލްޑިވިއަންގެ ޚިދުމަތަށް ވައިޑް-ބޮޑީ މަތިންދާބޯޓު ތައާރަފްކޮށް، ދުނިޔޭގެ ދުރު މަންޒިލްތަކަށް ސީދާ ދަތުރުތައް ފެށުމަކީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ މުހިންމު ރިޔާސީ ވައުދުފުޅެކެވެ. މި މަޝްރޫޢުގެ ދަށުން މިދިޔަ އަހަރުގެ ޖަނަވަރީ މަހުން ފެށިގެން ވައިޑް-ބޮޑީ ބޯޓުގެ ޚިދުމަތް ފަށާފައިވާއިރު، އެންމެ ފުރަތަމަ ދަތުރުތައް ފެށީ ޗައިނާގެ މަންޒިލްތަކަށެވެ. މީގެއިތުރުން ބެންކޮކް، މެލޭޝިއާ އަދި ސައުދީ އަރަބިއްޔާއަށްވެސް ޗާޓަރު ދަތުރުތައް ކުރަމުންދާއިރު، އެންމެ ފަހުން މިމަހުގެ 19 ވަނަ ދުވަހު ވަނީ އޮސްޓްރޭލިއާގެ މެލްބާންއަށް 11 ގަޑިއިރުގެ ސީދާ ދަތުރުތައް ފަށާފައެވެ.
މޯލްޑިވިއަންގެ މެނޭޖްމަންޓުން ފާހަގަކުރާ ގޮތުގައި، މިފަދަ ކަނެކްޓިވިޓީތަކަކީ ރާއްޖޭގެ އިޤްތިޞާދު ކުރިއެރުވުމަށާއި ފަތުރުވެރިކަން ފުޅާކުރުމަށް އެޅޭ ވަރަށް މުހިންމު ފިޔަވަޅެކެވެ. ޚާއްޞަކޮށް އޮސްޓްރޭލިއާ ފަދަ އަހަރަކު 40،000 ފަތުރުވެރިން އަންނަ މާކެޓަކަށް ސީދާ ދަތުރުތައް ފެށުމުން، އެ މާކެޓުން އަންނަ ފަތުރުވެރިންގެ އަދަދު %20 އިތުރުވާނެ ކަމަށް ލަފާކުރެވެއެވެ. ކުރިއަށް އޮތް ތަނުގައި އިތުރު ވައިޑް-ބޮޑީ ބޯޓުތައް ގެނެސް، ދުނިޔޭގެ އިތުރު މަންޒިލްތަކަށް ދަތުރުތައް ފުޅާކުރުމަށް މޯލްޑިވިއަނުން ދަނީ ތައްޔާރުވަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0