Read Time:2 Minute, 9 Second
ޖެޓް ފިއުލްގެ އަގު ހެޔޮކުރުމާ ގުޅިގެން ރާއްޖެއަށް ދަތުރުކުރާ އެއާލައިންތަކުގެ އަދަދު އިތުރުވެފައިވާ ކަމަށް ފަތުރުވެރިކަމާ ބެހޭ ވަޒީރު މުޙައްމަދު އަމީން ވިދާޅުވެއްޖެއެވެ. ވަޒީރު ފާހަގަކުރެއްވި ގޮތުގައި، ޖެޓް ފިއުލް ލީޓަރެއްގެ އަގު 1.9 ޑޮލަރުން 1.6 ޑޮލަރަށް ދަށްކުރުމަކީ އެއާލައިންތައް ގެނައުމަށް އެޅުނު މުހިންމު ފިޔަވަޅެކެވެ. މެދުއިރުމަތީގެ ހަނގުރާމައާ ގުޅިގެން ފްލައިޓުތައް ކެންސަލްވާ މިންވަރު ކުރިން 99 ގައި ހުރި ނަމަވެސް، ސަރުކާރުގެ މަސައްކަތުން މިހާރު އެ އަދަދު ވަނީ 70 އަށް ތިރިކުރެވިފައެވެ.
މީގެ އިތުރުން، ގަލްފުގެ ބޮޑެތި އެއާލައިންތަކުން އަލުން ދަތުރުތައް ފަށާފައިވާއިރު، މިދިޔަ އަހަރާ އަޅާބަލާއިރު ފަސިންޖަރުންގެ އަދަދު ދެ އިންސައްތަ ވަނީ އިތުރުވެފައެވެ. ފަތުރުވެރިން އަންނަ ނިސްބަތް މިދިޔަ އަހަރަށްވުރެ ދަށްވި ނަމަވެސް، ފާއިތުވި މަސްތަކާ އަޅާބަލާއިރު 17 އިންސައްތައިގެ ކުރިއެރުމެއް ވަނީ ލިބިފައެވެ. އަދި ޤައުމީ އެއާލައިނުން އޮސްޓްރޭލިއާއަށް ކުރަން ފެށި ސީދާ ދަތުރުތަކަކީ ފަތުރުވެރިކަމަށް ލިބޭނެ ބޮޑު ކުރިއެރުމެއްގެ ގޮތުގައި ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0