Read Time:2 Minute, 23 Second
(ފޮޓޯ ކްރެޑިޓްސް: ރައީސް އޮފީސް)
މަޓާޓޯ އާއި ގެސްޓްހައުސް އެސޯސިއޭޝަނުން ރާއްޖޭގެ ޓޫރިޒަމަށް 500 މިލިއަން ޑޮލަރުގެ ގެއްލުން ވެފައިވާ ކަމަށް ބުނި ނަމަވެސް، އެއީ ސަރުކާރުން ގަބޫލުކުރާ ނުވަތަ ކަށަވަރުކޮށްދޭ އަދަދެއް ނޫން ކަމަށް ޓޫރިޒަމް މިނިސްޓަރު މުހައްމަދު އަމީން ވިދާޅުވެއްޖެއެވެ. މިނިސްޓަރު ވިދާޅުވީ އެ މިންވަރަށް ގެއްލުންވި ކަމަށް ހިސާބުތަކުން މިހާތަނަށް ފެންނަން ނެތް ކަމަށާއި، އެހެންކަމުން އެ އަދަދާ ގުޅުވައިގެން ސިނާއަތަށް ވަކި އެހީތެރިކަމެއް ދޭން ސަރުކާރުން މަސައްކަތް ނުކުރާ ކަމަށެވެ. ނަމަވެސް، އާންމުކޮށް ހުރިހާ ދާއިރާތަކަށް ދިމާވާ ދަތިތަކުގައި ސަރުކާރުގެ ނިޒާމުގެ ތެރެއިން އެހީތެރިކަން ފޯރުކޮށްދެމުންދާ ކަމަށް އޭނާ ފާހަގަކުރެއްވިއެވެ.
މަޓާޓޯ އާއި އެންއެޗްޖީއޭއެމް ގުޅިގެން ނެރުނު ބަޔާނުގައި ބުނެފައިވަނީ، މާޗް މަހުން ފެށިގެން ޓޫރިސްޓުން އަންނަ މިންވަރު 15-20 ޕަސެންޓަށް ދަށްވެފައިވާ ކަމަށާއި، މީގެ ސަބަބުން ކުދި އަދި މެދުފަންތީގެ ވިޔަފާރިތައް ހުއްޓާލަންޖެހޭ ހިސާބަށް މާލީ ހާލަތު ގޮސްފައިވާ ކަމަށެވެ. އެހެންކަމުން، ލޯނުތައް ރީސްޓްރަކްޗާ ކުރުމާއި، ޓެކްސް ދެއްކުން ފަސްކޮށްދިނުން ފަދަ އަވަސް ފިޔަވަޅުތަކެއް އަޅައިދިނުމަށް އެ ޖަމިއްޔާތަކުން ވަނީ ސަރުކާރަށް ގޮވާލާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0