Read Time:1 Minute, 55 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ސަރުކާރުގެ ސިއްޙީ ސިޔާސަތުގެ ދަށުން، ޒަމާނީ ލޭޒަރ ޓެކްނޮލޮޖީ ބޭނުންކޮށްގެން ކުރާ ޖެނެރަލް ސާޖަރީގެ ޚިދުމަތް ދަރުމަވަންތަ ހޮސްޕިޓަލާއި އައިޖީއެމްއެޗުގައި މިހާރު ވަނީ ފަށާފައެވެ. މި މަހުގެ 17 އިން ފެށިގެން ތަޢާރަފްކުރި މި ޚިދުމަތުގެ ދަށުން ފައިގެ ލޭނާރު ދުޅަވުމާއި، ފުރަގަސްފަރާތުގެ ބަލިތައް ފަދަ ހަތަރު ބާވަތެއްގެ އޮޕަރޭޝަން ލޭޒަރަކުން ކުރެވޭނެއެވެ. މި އާ ފަރުވާގެ ސަބަބުން ބޮޑުތަނެއް ކަފާލަން ނުޖެހި، ތަދު ކުޑަވެ، އަވަހަށް ބަލި ފަސޭހަވުމުގެ އިތުރުން ހޮސްޕިޓަލުގައި އެޑްމިޓްވެގެން އޮންނަންޖެހޭ ވަގުތު ކުޑަވެގެންދާނެއެވެ. މި ޚިދުމަތަށް ބޭނުންވާ ވަސީލަތްތައް ހޯދައި، އައިޖީއެމްއެޗުގެ ޑޮކްޓަރުންނާއި ނަރުހުން ވަނީ އިންޑިއާގެ ހޮސްޕިޓަލުތަކުން ތަމްރީނު ހޯދާފައެވެ. މިއީ ރާއްޖޭގެ ސިއްޙީ ޚިދުމަތް ޒަމާނީކޮށް، ބަލިމީހުންނަށް ލުއިފަސޭހަ ފަރުވާ ހޯދައިދިނުމަށް ރައީސުލްޖުމްހޫރިއްޔާ ދެއްވާ އިސްކަމުގެ ދަށުން ކުރިއަށްގެންދާ މަސައްކަތެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0