Read Time:2 Minute, 3 Second
(ފޮޓޯ ކްރެޑިޓްސް: ރޮއިޓާރސް)
ޣައްޒާގެ ރައްޔިތުންނަށް އެހީތެރިކަން ފޯރުކޮށްދިނުމަށް ދަތުރުކުރި “ސުމޫދު ފްލޮޓީލާ” އަށް އިސްރާއީލުން ހުރަސްއަޅައި، އޭގައި ތިބި މީހުން ހައްޔަރުކޮށް ހިންގި ލާއިންސާނީ އަމަލުތައް ދިވެހިރާއްޖެ ހިމެނޭހެން 10 ޤައުމަކުން ހަރުކަށި އިބާރާތުން ކުށްވެރިކޮށްފިއެވެ. ރާއްޖެއާ އެކު ބްރަޒިލް، އުރުދުން، ޕާކިސްތާން، ސްޕެއިން، ބަންގްލަދޭޝް، ކޮލަމްބިއާ، އިންޑޮނޭޝިއާ، ތުރުކީ އަދި ލީބިޔާގެ ޚާރިޖީ ވަޒީރުން ނެރުއްވި ގުޅިފައިވާ ބަޔާނެއްގައި، މި ހަރަކާތަކީ އިންސާނީ އެހީ ފޯރުކޮށްދިނުމަށް ހިންގާ ސުލްޙަވެރި ހަރަކާތެއްކަން ފާހަގަކުރައްވައި، ބައިނަލްއަޤުވާމީ ކަނޑުގެ ސަރަހައްދުން އުޅަނދުތައް ހުއްޓުވުމަކީ ބައިނަލްއަޤުވާމީ ޤާނޫނުތަކާ ކަނޑައެޅިގެން ޚިލާފު ޖަރީމާއެއް ކަމަށް ވަނީ ވިދާޅުވެފައެވެ. އަދި ހައްޔަރުކޮށްފައިވާ އެކްޓިވިސްޓުން ވަގުތުން މިނިވަންކުރުމަށާއި، އިސްރާއީލުން ހިންގާ މިފަދަ އަމަލުތަކަށް ބައިނަލްއަޤުވާމީ މުޖުތަމައުން ފިޔަވަޅު އަޅައި، އެ ދައުލަތް ޖަވާބުދާރީ ކުރުވުމަށްވެސް މި ބަޔާނުގައި ވަނީ ގޮވާލައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0