Read Time:2 Minute, 51 Second
ހުޅުމާލޭ ފޭސް ދޭއްގައި ތަރައްގީ ކުރަމުންދާ ދާއިމީ އެއް މިސްކިތް ރޯމަ މަހަށް ނިމޭނެ ކަމަށް ކޮންޓްރެކްޓަރ މައުލޫމާތު ދެއްވާފައިވާ ކަމަށް އިސްލާމީ ކަންތައްތަކާއި ބެހޭ ވުޒާރާއިން ވިދާޅުވެއްޖެއެވެ. ހުޅުމާލޭ ފޭސް ދޭއްގައި ދާއިމީ ފަސް މިސްކިތެއްގެ މަސައްކަތް ދަނީ ކުރެވެމުންނެވެ. މި މިސްކިތްތަކުގެ މަސައްކަތްތައް ހިނގަމުންދާ ގޮތް ބައްލަވަން އެ ވުޒާރާގެ ޓީމެއް އިއްޔެ ވަނީ އެ ސަރަހައްދަށް ޒިޔާރަތް ކުރައްވާފައެވެ.
އެ ޒިޔާރަތަށް ފަހު ޑެޕިޔުޓީ މިނިސްޓަރ އަހްމަދު އާސިމް ވިދާޅުވީ، ރާއްޖޭގެ އެކި ކަންކޮޅުތަކުގައި މިސްކިތްތައް ތަރައްގީ ކުރުމަށް ކުރެވުންދާ މަސައްކަތްތައް އެ ވުޒާރާއިން ވަރަށް ގާތުން ބަލަމުންދާ ކަަމަށެވެ. ވަޒީރު ވިދާޅުވީ، ހުޅުމާލޭ ފޭސް ދޭއްގައި ތަރައްގީ ކުރެވެމުންދާ ދާއިމީ ފަސް މިސްކިތުގެ ސައިޓަށް ޒިޔާރަތް ކުރިއިރު، މީގެ ތެރެއިން އަންނަ ރޯދަ މަހަށް އެއް މިސްކިތް ނިމެނޭ ކަމަށް ކޮންޓްރެކްޓަރ ވިދާޅުވާ ކަމަށެވެ.
“އަޅުގަނޑުމެން މި ފުރުސަތުގައި ފާހަގަކޮށްލަން، މި ފަސް މިސްކިތަކީވެސް ދިވެހި ވިޔަފާރިވެރިންގެ ތެރެއިން، ހެޔޮ އެދޭ ފަރާތްތަކުން އެ ބޭފުޅުންގެ އަމިއްލަ ހަރަދުގައި ކުރިއަށްގެންދާ މަޝްރޫއުތަކެއް،”. އޭނާ ވިދާޅުވިއެވެ. އޭނާ ވިދާޅުވީ، ހުޅުމާލޭ ފޭސް ދޭއްއަކީ ގިނަ އަދަދެއްގެ ރައްޔިތުން ދިރިއުޅެމުންދާ އަވަށަކަށް ވާއިރު، އެ އަވަށުގައި ދާއިމީ މިސްކިތްތައް މަދު ކަމުގައިވީނަމަވެސް، ކުރިއަށް އޮތްތަނުގައި މި މިސްކިތްތައް ހުޅުވުމާއެކު މިސްކިތްތަކުގެ ދަތިކަމަށް ހައްލެއް ލިބިގެން ދާނެ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0