ރާއްޖޭގެ މެޑިކަލް ސްކޫލުގައި ކިޔަވަން އެއް ގައުމަކުން 500 އަށްވުރެ ގިނަ އެޕްލިކޭޝަން

Read Time:3 Minute, 38 Second

ރާއްޖޭގެ ގައުމީ ޔުނިވާސިޓީގައި ގާއިމްކޮށްފައިވާ މެޑިކަލް ސުކޫލުގައި ކިޔެވުމަށް އެއް ގައުމަކުން އެކަނިވެސް 500 އެޕްލިކޭޝަން ހުށައަޅާފައިވާކަމަށް މަތީ ތައުލީމާއި މަސައްކަތްތެރިކަމާއި ހުނަރުތައް ތަރައްގީކުރުމާއި ބެހޭ ސްޓޭޓް މިނިސްޓަރު ޑރ. އަބްދުﷲ ނަޒީރު ވިދާޅުވެއްޖެއެވެ.

ދައުލަތުގެ މީޑިއާގައި ވާހަކަ ދައްކަވަމުން ސްޓޭޓް މިނިސްޓަރު ވިދާޅުވީ، ގައުމީ ޔުނިވާސިޓީގެ މެޑިކަލް ސުކޫލުގައި ކިޔެވުމަށް އެދި ބޭރު ގައުމުތަކުންވެސް ހުށައެޅުންތައް ލިބެމުންދާ ކަމަށެވެ. އެގޮތުން މިހާތަނަށް އެއް ގައުމަކުން 500 އަށްވުރެ ގިނަ އެޕްލިކޭޝަން ހުށަހަޅާފައިވާ ކަމަށް މިނިސްޓަރު ވިދާޅުވިއެވެ.

ސްޓޭޓް މިނިސްޓަރު ވަނީ މެޑިކަލް ސްކޫލުގައި ޖާގައިގެ ހުރި ދަތިކަން ފާހަގަ ކުރައްވައިފައެވެ. އެގޮތުން ގައުމީ ޔުނިވަސިޓީގައި މިހާރު ހުރި މެޑިކަލް ސުކޫލުގައި ޖާގައިގެ ދަތިކަން ހުރުމުންނާއި، ރާއްޖޭގެ ދަރިވަރުންގެ ވެސް ޑިމާންޑު އެކަމަށް އޮތުމުން އެ ފުރުސަތު ބޭރުގެ ދަރިވަރުންނަށް ދެވިފައިނުވާކަމަށް ޑރ. ނަޒީރު ވިދާޅުވިއެވެ. ނަމަވެސް އަމާޒަކީ ޖާގަ ތަނަވަސް މެޑިކަލް ސުކޫލެއް ހުޅުމާލޭގައި ގާއިމްކޮށް ވީހާވެސް ގިނަ ދަރިވަރުނަށް ފުރުސަތު ފަހިކުރުންކަމަށް ވިދާޅުވިއެވެ.

“އެކަމަށް އަމާޒުކޮށްގެން އިންޓަނޭޝަނަލް ވިސާ ފަސޭހަކަމާއެކު ލިބޭނެ ގޮތް ފަހިކުރުމާއި، ހެސެޓޯރަލް ގާނޫނެއް ވުޖޫދު ކުރުމާއި، ފަސޭހަކަމާއެކު އެކޮމޮޑޭޝަން ލިބޭނެގޮތް ފަހިގޮތް ހަމަޖެއްސުމަށްޓަކައި ހުޅުމާލޭގައި ދާނާލެއް އެޅުމާއި، މާލޭގައި އެއް ދަނާލު އަތޮޅުގައި ފަސް ދަނާލު މީގެ ތެރެއިން ތކ ް ރަށެއްގެ މަސައްކަތް ފަށާނެ ބަޖެޓް ކުރެވިފައި ވަނީ.” ސްޓޭޓް މިނިސްޓަރު ވިދާޅުވިއެވެ. ސްޓޭޓް މިނިސްޓަރު ވިދާޅުވީ، އަމާޒަކީ މި ފަސް އަހަރުގެ ދައުރުގައި ރާއްޖޭގައި މަތީ ތައުލީމު ހާސިލްކުރާ 20،000 ކުދިންގެ ތެރެއިން 5 އިންސައްތައަކީ ރާއްޖޭން ބޭރުގެ ދަރިވަރުންނަށް ހެދުންކަމަށާއި، އެކަމަށް މަސައްކަތްކުރައްވަމުން ގެންދަވާ ކަމަށެވެ.