Read Time:1 Minute, 51 Second
ކުރީގެ ރައީސް ޔާމީން އިސްވެ ހުންނަވައިގެން ގައުމުތަކުގެ ވެރިންނަށް މަލާމާތްކޮށް، މަގުމަތީގައި ހިންގާ ދަށުދަރަޖައިގެ އަމަލުތަކަށް މަޖިލީހުގެ މެޖޯރިޓީ ލީޑަރު އިބްރާހިމް ފަލާހު ވަރަށް ބޮޑަށް ފާޑުވިދާޅުވެއްޖެއެވެ. ފަލާހު ވިދާޅުވީ ޕީއެންއެފުން މިހާރުވެސް އަވަށްޓެރި އިންޑިއާއަށް މަލާމާތްކޮށް ހިންގާ ހަރަކާތްތަކަކީ ޔާމީންގެ ބެއްލެވުމުގެ ދަށުން ކުރާ ކަންކަން ކަމަށާއި، މިފަދަ ކަންކަން ހުއްޓުވަން ދައުލަތުގެ މުއައްސަސާތަކުން ފިޔަވަޅު އަޅަންޖެހޭނެ ކަމަށެވެ. ހާއްސަކޮށް ރާއްޖޭގެ މިނިވަންކަމާއި ސިޔާދަތަށް އުނިކަން އަންނަ ގޮތަށް އަމަލުކުރާ ޕާޓީތަކާ މެދު އިލެކްޝަންސް ކޮމިޝަނުން ފިޔަވަޅު ނާޅާ ނަމަ، އެ ކޮމިޝަނުގެ ވެރިން އިސްތިއުފާ ދެއްވަން ޖެހޭނެ ކަމަށްވެސް އޭނާ ވިދާޅުވިއެވެ. މީގެއިތުރުން، ގައުމުގެ ހަމަޖެހުން ގާއިމުކުރުމުގައި ފުލުހުންގެ މުއައްސަސާއިންވެސް ޒިންމާދާރުކަމާއެކު މަސައްކަތް ކުރަންޖެހޭނެ ކަމަށް ފަލާހު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0