Read Time:1 Minute, 57 Second
ބައެއް ސިޔާސީ ޕާޓީތަކުން ހިންގާ ޤާނޫނާ ޚިލާފު އަދި އިޖުތިމާޢީ މިންގަނޑުން ބޭރު ހަރަކާތްތަކާ މެދު ފިޔަވަޅު އެޅުމަށް ގޮވާލާ ހޮޅުދޫ ދާއިރާގެ މެންބަރު ޢަބްދުއްސައްތާރު މުޙައްމަދު ހުށަހެޅުއްވި ޤަރާރަށް ރައްޔިތުންގެ މަޖިލީހުގައި ބަހުސްކޮށްފިއެވެ. މި ޤަރާރަށް ތާއިދުކުރައްވާ ސަރުކާރު ހިންގާ ޕީއެންސީގެ މެންބަރުން ވިދާޅުވީ، ޚިޔާލުފާޅުކުރުމުގެ މިނިވަންކަން ބޭނުންކުރަންވާނީ އަނެކާގެ ޙައްޤުތަކަށް އުނިކަން ނާންނަ ގޮތަށް ކަމަށާއި، މަގުމަތީގައި ނޭދެވޭ ބަސްތައް ބޭނުންކޮށްގެން ހިންގާ ހަރަކާތްތައް ހުއްޓުވަން ކަމާބެހޭ މުއައްސަސާތަކުން ފިޔަވަޅު އަޅަންޖެހޭ ކަމަށެވެ. ބައެއް މެންބަރުން ވަނީ ޤާނޫނާ ޚިލާފުވާ ޕާޓީތައް އުވާލުމަށްވެސް ގޮވާލައްވާފައެވެ. ނަމަވެސް އިދިކޮޅު އެމްޑީޕީގެ މެންބަރުން މި ޤަރާރަށް އިއުތިރާޒު ކުރައްވަމުން ވިދާޅުވީ، ޒާތީ ކަންކަމަށް ވާހަކަދެއްކުން ބަލައިނުގަނެވުނު ނަމަވެސް، ސިޔާސީ ހަރަކާތްތަކަކީ ރައްޔިތުންގެ ކަންބޮޑުވުންތައް ފާޅުކުރުމަށް ހިންގާ ކަންކަން ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0