Read Time:2 Minute, 20 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖޭގެ މޫސުމީ ބަދަލުތަކުން ދުރާލާ އިންޒާރުދޭ ނިޒާމުތައް ފުޅާކޮށް ހަރުދަނާކުރުމުގެ މަސައްކަތް ސަރުކާރުން ބާރުސްޕީޑުގައި ކުރިއަށްގެންދާކަން މޫސުމީ ބަދަލުތަކާ ބެހޭ ވަޒީރު ޢަލީ ޝަރީފް ވަނީ ހާމަކުރައްވާފައެވެ. މި މަޝްރޫޢުގެ ދަށުން ރާއްޖޭގެ އެކި ސަރަހައްދުތަކުގައި ރާޑަރު ނެޓްވޯކް ފުޅާކުރުމަށްޓަކައި ބޭނުންވާ ކުދި ރޭޑަރުތައް ހޯދުމުގެ މަސައްކަތް މިހާރު އޮތީ ޓެންޑަރ މަރުހަލާގައި ކަމަށާއި، އައްޑޫ ސިޓީ ގަމުގައި ބޮޑު ރޭޑަރެއް ހަރުކުރުމުގެ މަސައްކަތްވެސް ކުރަމުންދާކަމަށް ވަޒީރު ވިދާޅުވިއެވެ.
މިއީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ގެންގުޅުއްވާ، މޫސުމީ ކާރިސާތަކުން ރައްޔިތުން ރައްކާތެރިކުރުމުގެ ސިޔާސަތުގެ ދަށުން ކުރެވޭ މުހިންމު މަސައްކަތެކެވެ. މިކަމަށްޓަކައި “މޯލްޑިވްސް ޑިޒާސްޓަރ ރިސްކް ރިޑަކްޝަން ސްޓްރެޓަޖީ 2024-2030” އެކުލަވާލައި، މޫސުމީ ބަދަލުތަކަށް ވިލުންތެރިވުމަށް ބައިނަލްއަޤުވާމީ މާލީ އެހީތެރިކަން ހޯދުމަށްވެސް ސަރުކާރުން ދަނީ މަސައްކަތް ކުރަމުންނެވެ. އެގޮތުން ގްރީން ކްލައިމެޓް ފަންޑުގެ އެހީގައި ރާއްޖޭގެ ރަށްތަކުގައި މޫސުމީ އިންޒާރުދޭ އެލާމް ސިސްޓަމްތައް ޤާއިމުކުރުމަށް ވަނީ ނިންމާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0