Read Time:4 Minute, 21 Second
ފޮޓޯ ކްރެޑިޓްސް: ވަގުތު
ސަރުކާރަށް އެއް އަހަރު ފުރުމާ ގުޅިގެން ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާއި ބެހޭ ވުޒާރާގެ ފަރާތުން ބާއްވާ “ހަފުތާ 52” ގެ މަސައްކަތު ބައްދަލުވުން ވަޒީރު އާދަމް ޝަރީފު އުމަރު މިއަދު އިފްތިތާހް ކޮށްދެއްވައިފިއެވެ.
މި ރަސްމިއްޔާތުގައި ވާހަކަ ދައްކަވަމުން އާދަމް ޝަރީފު އުމަރު ވިދާޅުވީ މި މަސައްކަތު ބައްދަލުވުމުގެ ބޭނުމަކީ މިނިސްޓްރީގެ ލެވެލްގައި ކުރިއަށް އޮތް ތަނުގައި މިނިސްޓްރީގެ މަސައްކަތްތައް ކުރިއަށް ގެންދިއުމަށް ހުރި ކަންތަކާ ގުޅޭ ގޮތުން މަޝްވަރާ ކުރައްވައި އެ ކަންކަން ރަނގަޅު ކުރެއްވުމަށް ވަރަށް ބޮޑަށް ހުޅުވާލެވިފައިވާ މާޙައުލެއްގައި މަޝްވަރާކުރެވި، ކުރިއަށް އޮތްތާގައި ރަނގަޅު ހިދުމަތްތަކެއް ދިނުމަށް މަސައްކަތްކުރެވޭނެ މާހައުލެއް ގާއިމްކުރުން ކަމަށެވެ.
ފޮޓޯ ކްރެޓްސް: ވަގުތު
“އަޅުގަނޑުމެން ތަންކޮޅެއް ފުންކޮށް ވިސްނާލާ ވޭތުވެ ދިޔަ އަހަރު އަޅުގަނޑުމެންގެ މި މިނިސްޓްރީ، އިދާރީ ހިންގުމާއި، އަދި މި މިނިސްޓްރީގެ ކަންކަން ހުރި ގޮތް ރަނގަޅަށް ދެނެގަތުމަށް ޓަކައި ތަހުލީލީ ނަޒަރަކުން އެ ކަންކަމާ ދޭތެރޭގައި ފުންކޮށް ވިސްނައިލައިގެން މަސައްކަތްކޮށްލައިގެން އަޅުގަނޑުމެން ކުރިއަށް ދިއުން(ބޭނުމަކީ)” މިނިސްޓަރު ވިދާޅުވިއެވެ.
މިނިސްޓަރު ފާހަގަކުރެއްވި ގޮތުގައި ވޭތުވެ ދިޔަ އަހަރަކީ މިނިސްޓްރީގެ ސިވިލް ބޭފުޅުން ވަރަށް ރަނގަޅަށް މަސައްކަތްތައް މޭނޭޖް ކޮށްގެން ކުރިއަށް ގެންދިޔަ އަހަރެއް ކަމަށާއި، އެ ގޮތުން ސަރުކާރުގެ ސިޔާސަތުތައް ތަންފީޒުކުރެއްވުމަށްޓަކައި ގިނަ ގުނަ މަސައްކަތްތަކެއް ކުރެވިގެން ދިޔަ ކަމަށެވެ.
ފޮޓޯ ކްރެޑިޓްސް: ވަގުތު
އެގޮތުން ރައީސުލްޖުމްހޫރިއްޔާގެ ވައުދުތައް ފުއްދެވުމަށް ހާއްސަ މަސައްކަތްތަކެއް ކުރައްވަމުން ގެންދެވިކަމަށާއި އެ ގޮތުން އީދުލައިޓްސް ރަށްރަށަށް ފޮނުވުމާއި، ރޯދަ ހަދިޔާ އަތޮޅުތަކަށް ބެހުމުގެ އިތުރަށް ރަށްރަށުގެ ކައުންސިލްތަކާއެކު ގިނަ ގުނަ މަސައްކަތްކުރަވައި ސީދާ މިނިސްޓަރު 178 ބައްދަލުވުމެއް ޗެއާ ކުރެއްވިކަން ވަނީ ފާހަގަ ކުރައްވައިފައެވެ.
އެއް ދުވަހުގެ މުއްދަތަށް ސްޓެލްކޯ އޮޑިޓޯރިއަމްގައި ކުރިއަށް ގެންދާ މި މަސައްކަތު ބައްދަލުވުމުގައި ސިޓީސް މިނިސްޓްރީގެ އިސް ބޭފުޅުންނާއި، އަތޮޅުތެރޭގައި މަސައްކަތްކުރައްވާ މިނިސްޓްރީގެ ބައެއް ބޭފުޅުން ބައިވެރިވެ ވަޑައިގަންނަވާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0