Read Time:3 Minute, 8 Second
ފޮޓޯ ކްރެޑިޓްސް: ރައްޔިތުންގެ މަޖިލިސް
އައިލެންޑް އޭވިއޭޝަނުން 1.12 ބިލިއަން ރުފިޔާ ދައްކަން ޖެހޭ ކަމަށް މޯލްޑިވްސް އެއާޕޯޓްސް ކޮމްޕެނީ ލިމިޑެޓް (އެމްއޭސީއެލް)ގެ މެނޭޖިން ޑިރެކްޓަރު އިބްރާހިމް ޝަރީފް މުހައްމަދު މިއަދު ވިދާޅުވެއްޖެއެވެ. ރައްޔިތުންގެ މަޖިލިހުގެ ސްޓޭޓް އޯންޑް އެންޓަޕްރައިޒަސް ކޮމިޓީގެ ސަބް ކޮމިޓީގައި ވާހަކަ ދައްކަވަމުން ޝަރީފް ވިދާޅުވީ 2023 ވަނަ އަހަރުގެ ހަވާސާއަށް ބަލާއިރު، 7.5 ބިލިއަން ރުފިޔާގެ އާމްދަނީއެއް ޖެނަރޭޓް ކުރެވުނު ކަމަށެވެ. އޭގެ ތެރެއިން ނެޓް ޕްރޮފިޓް އުޅެނީ 9.7 މިލިއަން ރުފިޔާގައި ކަމަށް އޭނާ ވިދާޅުވިއެވެ.
“އަޅުގަނޑުމެންނަކީ ކޭޝްކޮށް ވިޔަފާރިކުރާ ބައެއް. ނަމަވެސް ސަރުކާރުގެ އެސްއޯއީތަކުން ދޭންޖެހޭ ފައިސާ އެބަހުރި. އެގޮތުން އައިލެންޑް އޭވިއޭޝަނުން 1.12 ބިލިއަން ރުފިޔާ އެބަހުރި އެމްއޭސީއެލްއަށް ދޭންޖެހޭ.” ޝަރީފް ވިދާޅުވިއެވެ. ޝަރީފް ވިދާޅުވީ އަހަރަކު 78 މިލިއަން ރުފިޔާގެ ސަބްސިޑައިސްކޮށް އައިލެންޑް އޭވިއޭޝަންއަށް ޑިސްކައުންޓް ދޭއިރުވެސް 1.12 ބިލިއަން ރުފިޔާ އެމްއޭސީއެލްއަށް ދޭން ޖެހޭ ކަމަށެވެ.
އެމްއޭސީއެލްއިން ބޭންކްތަކަށް ގޮސް ވޯކް ކެޕިޓަލް ނަގަން ޖެހޭ ސަބަބަކީ އެއީ ކަމަށް ޝަރީފް ވިދާޅުވިއެވެ. އެ ފައިސާތައް ލިބޭ ނަމަ ފައިނޭންޝަލް ހަރަދު ވެސް ކުޑަވާނެ ކަމަށް ވިދާޅުވިއެވެ. މި ސަރުކާރުން ވެރިކަމާއި ހަވާލުވިއިރުގައި ސަރުކާރުގެ ވަރަށް ގިނަ އެސްއޯއީތައް އޮތީ އެކި ކުންފުނިތަކަށް ދަރާފައެވެ. އަދި ގިނަ ކުންފުނިތަކެއް ހިންގަމުން ދިޔައީ ގެއްލުމުގައެވެ. ކުންފުނިތަކުގެ ދަރަނި ކުޑަކޮށް ގެއްލުމުގަައި ހިނގާ ބައެއް ކުންފުނިތައް އެއްކޮށްލައި ރިފޯމްކުރުމުގެ މަސައްކަތް މިހާރު ވަނީ ފަށާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0